Ayubu
25 Nake Bilidadi+ ũrĩa Mũshuhi agĩcokia akiuga atĩrĩ:
2 “Wathani na hinya wa kũmakania nĩ ciake;
Atũmaga igũrũ* kũgĩe na thayũ.
3 Hihi thigari ciake no itarĩke?
Nũũ ũtakinyagĩrũo nĩ ũtheri wake?
4 Mũndũ angĩkĩhota atĩa gũkorũo arĩ mũthingu mbere ya Ngai,+
5 Angĩkorũo mweri ndũkoragwo na ũtheri harĩ we
Nacio njata itikoragwo irĩ theru maitho-inĩ make-rĩ,
6 Ĩ mũndũ nake ũrĩa wonagwo atariĩ ta kĩgunyũ,
Na mũrũ wa mũndũ, ũrĩa wonagwo ahaana ta mũnyongoro?”