Marũa ma Kerĩ Kũrĩ Athesalonike

1 Nĩ niĩ Paulo, tũrĩ na Silvano,* na Timotheo,+ kũrĩ kĩũngano kĩa Athesalonike, inyuĩ mũrĩ na ũiguano na Ngai Ithe witũ, na Mwathani Jesu Kristo:

2 Mũrogĩa na ũtugi mũnene na thayũ kuuma kũrĩ Ngai Ithe witũ, na Mwathani Jesu Kristo.

3 Nĩ twagĩrĩirũo gũcokagĩria Ngai ngatho hĩndĩ ciothe nĩ ũndũ wanyu ariũ a Ithe witũ. Ũndũ ũcio nĩ mwagĩrĩru tondũ wĩtĩkio wanyu nĩ ũrakũra mũno na wendo wa o ũmwe wanyu ũkongerereka kwerekera mũndũ na ũrĩa ũngĩ.+ 4 Nĩ ũndũ ũcio ithuĩ ene nĩ twĩrahaga nĩ ũndũ wanyu+ gatagatĩ-inĩ ga ciũngano cia Ngai nĩ ũndũ wa ũkirĩrĩria na wĩtĩkio wanyu harĩ kũnyarirũo kwanyu guothe na moritũ* marĩa mũranyamarĩka nĩmo.*+ 5 Ũndũ ũcio nĩ ũira wa ituĩro rĩa ũthingu rĩa Ngai, na nĩ ũtũmaga mũtarũo atĩ mũrĩ agĩrĩru a gũtonya Ũthamaki-inĩ wa Ngai, o ũcio mũnyamarĩkaga nĩ ũndũ waguo.+

6 Nĩ gũkorũo hatarĩ nganja nĩ ũndũ wa ũthingu harĩ Ngai kũrehera thĩna arĩa mamũrehagĩra thĩna.+ 7 No inyuĩ arĩa muonaga thĩna nĩ mũkaahoorerio hamwe na ithuĩ hĩndĩ ĩrĩa Mwathani Jesu akaaguũranĩrio+ kuuma igũrũ arĩ hamwe na araika ake marĩ hinya+ 8 arĩ na mwaki ũrarĩrĩmbũka, rĩrĩa agooka kwĩrĩhĩria harĩ andũ arĩa matoĩ Ngai na arĩa matathĩkagĩra ũhoro ũrĩa mwega wa Mwathani witũ Jesu.+ 9 Acio nĩ makaamũkĩra ituĩro rĩa iherithia rĩa kũniinwo tene na tene+ meherio mbere ya Mwathani na mbere ya riri wa hinya wake, 10 hĩndĩ ĩrĩa agooka gũtũũgĩrio ũhoro-inĩ wĩgiĩ arĩa ake aamũre, na mũthenya ũcio arĩa othe moonanirie wĩtĩkio nĩ makaagegio nĩwe, tondũ nĩ muonanirie wĩtĩkio harĩ ũira ũrĩa twamũrutĩire.

11 Nĩ ũndũ ũcio, nĩ tũmũhoyagĩra hingo ciothe, atĩ Ngai witũ amũtare mũrĩ agĩrĩru a kwamũkĩra rĩĩtana rĩake+ na kũgerera hinya wake ahingie biũ maũndũ mothe mega marĩa endaga na ciĩko ciothe cia wĩtĩkio. 12 Nĩguo rĩĩtwa rĩa Mwathani Jesu rĩtũũgĩrio kũgerera harĩ inyuĩ, na inyuĩ mũtũũgĩrio mũrĩ na ũiguano nake, kũringana na ũtugi mũnene wa Ngai witũ na wa Mwathani Jesu Kristo.