Marũa ma Mbere Kũrĩ Akorintho

5 Ũhoro nĩ ũheanĩtwo atĩ thĩinĩ wanyu kũrĩ na ngomanio itagĩrĩire,*+ na ngomanio* ta icio o na itionekete nginya thĩinĩ wa ndũrĩrĩ—mũndũ gũikarania* na mũtumia wa ithe.+ 2 Na kaĩ mũrakenio nĩ ũndũ ũcio? Na githĩ mũtiagĩrĩirũo nĩ gũcakaya,+ nĩgetha mũndũ ũcio wĩkĩte gĩĩko kĩu eherio gatagatĩ-inĩ kanyu?+ 3 O na gũtuĩka ndirĩ hamwe na inyuĩ na mwĩrĩ, ndĩ hamwe na inyuĩ thĩinĩ wa roho, na nĩ ndĩkĩtie gũtuĩra mũndũ ũcio wĩkĩte ũguo, o ta ndĩ hamwe na inyuĩ. 4 Rĩrĩa mũgomanĩte hamwe thĩinĩ wa rĩĩtwa rĩa Mwathani witũ Jesu, na mũkamenya atĩ niĩ ndĩ hamwe na inyuĩ thĩinĩ wa roho hamwe na hinya wa Mwathani witũ Jesu-rĩ, 5 no mũhaka mũneane mũndũ ta ũcio kũrĩ Shaitani+ nĩgetha mwĩrĩ wanangwo, nĩguo roho ũkaahonokio mũthenya wa Mwathani.+

6 Mwĩraho wanyu ti mwega. Kaĩ mũtoĩ atĩ gatawa kanini ga kũimbia kagagatagia* kĩmere gĩothe?+ 7 Eheriai ndawa ĩyo ya tene ya kũimbia nĩguo mũtuĩke kĩmere kĩerũ, nĩ gũkorũo inyuĩ mũtirĩ na mũgagato.* Tondũ ti itherũ, Kristo gatũrũme gaitũ ga Pasaka,+ nĩ arutĩtwo igongona.+ 8 Nĩ ũndũ ũcio-rĩ, rekei tũkũngũyagĩre gĩathĩ kĩu,+ ti na ndawa ya tene ya kũimbia, o na kana na ndawa ya kũimbia ya maũndũ moru na waganu, ĩndĩ na mũgate ũtarĩ mwĩkĩre ndawa ya kũimbia wa wĩhokeku na ũhoro wa ma.

9 Marũa-inĩ makwa nĩ ndamwandĩkĩire mũtige gũthiaga thiritũ* na andũ arĩa meingĩragia ngomanio-inĩ itagĩrĩire,* 10 ti atĩ mũtige biũ kũnyitanĩra na andũ a thĩ ĩno arĩa meingĩragia ngomanio-inĩ itagĩrĩire*+ kana andũ akoroku kana atunyani kana ahoi mĩhianano. Kũngĩrĩ ũguo-rĩ, no mũkiumire thĩinĩ wa thĩ ĩno.+ 11 No rĩu ndĩramwandĩkĩra mũtige gũthiaga thiritũ*+ na mũndũ o wothe wĩtagwo mũrũ wa Ithe witũ wĩingĩragia ngomanio-inĩ itagĩrĩire* kana mũkoroku+ kana mũhoi mĩhianano kana mũrumani kana mũrĩĩu+ kana mũtunyani,+ o na kũrĩanĩra mũtikarĩanagĩre na mũndũ ta ũcio. 12 Tondũ rĩrĩ, kaĩ ingĩgĩtuĩra arĩa marĩ nja? Na githĩ mũtituagĩra arĩa marĩ thĩinĩ, 13 nake Ngai agatuĩra arĩa marĩ nja?+ “Eheriai mũndũ ũcio mwaganu gatagatĩ-inĩ kanyu.”+