Marũa ma Mbere ma Petero
5 Nĩ ũndũ ũcio, ndĩ mũthuri o tao, o niĩ mũira wa mĩnyamaro ya Kristo na mũgai wa riri ũrĩa ũkaaguũrio-rĩ,+ ndĩrataara athuri* arĩa marĩ gatagatĩ-inĩ kanyu ũũ: 2 Rĩithagiai rũũru rwa Ngai+ rũrĩa mwĩhokeirũo, mũgĩtungataga mũrĩ arori,* ti tondũ wa kũringĩrĩrio, no nĩ tondũ wa kwĩyendera mũrĩ mbere ya Ngai;+ ti tondũ wa kwenda uumithio ũtarĩ wa kĩhooto,+ ĩndĩ nĩ mũrĩ na wendi; 3 ti gwĩtua anene igũrũ rĩa andũ arĩa matuĩkĩte igai rĩa Ngai,+ ĩndĩ mũtuĩke cionereria harĩ rũũru.+ 4 Na rĩrĩa mũrĩithi ũrĩa mũnene+ akaaguũrio, nĩ mũkaaheo thũmbĩ ĩrĩ na riri ĩrĩa ĩtangĩthira.+
5 O ta ũguo-rĩ, inyuĩ anake mwĩnyihagĩriei athuri arĩa akũrũ.*+ No inyuothe mwĩhumbei* wĩnyihia* kwerekera mũndũ na ũrĩa ũngĩ, tondũ Ngai nĩ areganaga na arĩa etĩi, no nĩ aheaga arĩa enyihia ũtugi mũnene.+
6 Nĩ ũndũ ũcio, mwĩnyihiei rungu rwa guoko kũrĩ hinya kwa Ngai, nĩguo akaamũtũũgĩria ihinda rĩrĩa rĩagĩrĩire rĩakinya,+ 7 o mũkĩmũikagĩria mĩtangĩko yanyu yothe,+ tondũ nĩ amũrũmbũyagia.+ 8 Tũũriai ũhoti wanyu wa gwĩciria, ikaragai mwĩiguĩte!+ Thũ yanyu Mũcukani, acangacangaga ta mũrũthi ũrararama, agĩetha mũndũ wa gũtambura.*+ 9 No rũgamai mwĩhandĩte mũregane nake,+ mũrũmĩte thĩinĩ wa wĩtĩkio, mũkĩmenyaga atĩ thiritũ yothe ya ariũ a Ithe wanyu nĩ ĩracemania na mĩnyamaro o ta ĩyo thĩinĩ wa thĩ.+ 10 No thutha wa kũnyamarĩka kahinda kanini, Ngai mwene ũtugi wothe mũnene, ũrĩa wamwĩtire thĩinĩ wa riri wake wa tene na tene+ mũrĩ na ũiguano na Kristo, we mwene nĩ ekũrĩkia kũmũmenyeria. Nĩ egũtũma mũrũme,+ nĩ ekũmwĩkĩra hinya,+ na nĩ egũtũma mwĩhande wega. 11 Hinya ũrotuĩka wake tene na tene. Ameni.
12 Ndamwandĩkĩra ciugo nyinyi kũgerera harĩ Silvano,*+ ũrĩa nyonaga arĩ mũrũ wa Ithe witũ mwĩhokeku, nĩguo ndĩmwĩkĩre ngoro na ndute ũira mũrũmu atĩ ũyũ nĩguo ũtugi mũnene ũrĩa wa ma wa Ngai. Rũgamai mwĩhandĩte thĩinĩ waguo. 13 Mũtumia* ũrĩa ũrĩ Babuloni, mũthuure o ta inyuĩ, nĩ amũgeithia, na Mariko+ mũrũ wakwa o nake nĩ amũgeithia. 14 Geithaniai na ngeithi cia kũmumunyana irĩ na wendo.
Inyuothe arĩa mũrĩ na ũiguano na Kristo mũrogĩa na thayũ.