Marũa ma Mbere ma Petero
3 O ũndũ ũmwe na ũcio, inyuĩ atumia, mwĩnyihagĩriei athuri anyu,+ nĩgetha angĩkorũo nĩ harĩ amwe ao matathĩkagĩra kiugo, magucĩrĩrio nĩ mĩthiĩre ya atumia ao o na hatarĩ kiugo,+ 2 nĩ ũndũ wa kwĩyonera mĩthiĩre yanyu mĩtheru+ o hamwe na gĩtĩo kĩnene. 3 Mũtikareke kwĩgemia kwanyu gũkoragwo kũrĩ kwa na igũrũ—kũrama njuĩrĩ na gwĩkĩra mathaga ma thahabu+ kana kwĩhumba nguo cia goro— 4 no gemagiai mũndũ wa hitho ũrĩa wa ngoro thĩinĩ na ũgemu ũrĩa ũtangĩbutha wa roho wa thayũ na ũhooreri,+ ũrĩa ũrĩ bata mũno maitho-inĩ ma Ngai. 5 Nĩ gũkorũo ũguo nĩguo atumia aamũre a tene arĩa maaigĩte kĩĩrĩgĩrĩro kĩao harĩ Ngai meegemagia, makĩĩnyihagĩria athuri ao, 6 o ta ũrĩa Sara aathĩkagĩra Iburahimu, akamwĩtaga mwathi wake.+ Na inyuĩ nĩ mũtuĩkĩte ciana ciake, mũngĩthiĩ na mbere gwĩka wega na mwage gũtoorio nĩ guoya.+
7 Inyuĩ athuri, o ta ũguo, thiĩi na mbere gũikarania nao kũringana na ũmenyo.* Mũmaheage gĩtĩo+ o ta kĩndũ gĩtarĩ hinya makĩria, ũguo nĩ kuuga mũtumia, nĩ gũkorũo o nao nĩ agai hamwe na inyuĩ+ a ũtugi mũnene wa muoyo, nĩgetha mahoya manyu matikagirĩrĩrio.
8 Ngĩrĩkĩrĩria-rĩ, inyuothe gĩai na ũrũmwe wa meciria,*+ tha, wendo ta wa andũ a nyina ũmwe, ũcayanĩri muororo,+ na wĩnyihia.+ 9 Mũtikarĩhage ũũru na ũũru+ kana kũrumana rĩrĩa mwarumwo.+ Ithenya rĩa ũguo, rĩhagai na kĩrathimo,+ nĩ gũkorũo mwetirũo nĩ ũndũ wa ũguo, nĩgetha mũkaagaya kĩrathimo.
10 Nĩ gũkorũo “mũndũ o wothe ũngĩenda muoyo na ende kuona matukũ mega no mũhaka agitagĩre rũrĩmĩ rwake kuumana na maũndũ moru+ na agitagĩre mĩromo yake ndĩkarie maheeni. 11 Nĩ ethemage maũndũ marĩa moru+ ekage marĩa mega;+ nĩ acaragie thayũ na aũthingatage.+ 12 Nĩ gũkorũo maitho ma Jehova* nĩ maroraga andũ arĩa athingu, na matũ make magathikĩrĩria mathaithana mao,+ no ũthiũ wa Jehova* nĩ ũũkagĩrĩra arĩa mekaga maũndũ moru.”+
13 Atĩrĩrĩ, nũũ ũngĩmwĩka ũũru mũngĩgĩa na kĩyo kĩa maũndũ marĩa mega?+ 14 O na mũngĩnyamarĩka nĩ ũndũ wa ũthingu-rĩ, nĩ mũrĩkenaga.+ O na kũrĩ ũguo, mũtigetigĩre maũndũ marĩa metigagĩra,* o na kana mũtangĩke.+ 15 No amũragai Kristo arĩ Mwathani ngoro-inĩ cianyu, hingo ciothe mwĩhaarĩirie gwĩtetera mbere ya mũndũ o wothe ũngĩmũũria gĩtũmi gĩa kĩĩrĩgĩrĩro kĩrĩa mũkoragwo nakĩo, no mwĩkage ũguo mũhooreire+ na mũrĩ na gĩtĩo kĩnene.+
16 Tũũriai thamiri njega,+ nĩgetha kũngĩario ũũru igũrũ rĩanyu na njĩra o yothe, arĩa maragia ũũru igũrũ rĩanyu maconoke+ nĩ ũndũ wa mĩthiĩre yanyu mĩega mũrĩ arũmĩrĩri a Kristo.+ 17 Nĩ gũkorũo nĩ kaba kũnyamarĩka nĩ ũndũ wa gwĩka wega,+ angĩkorũo nĩ wendi wa Ngai gwĩtĩkĩria ũndũ ũcio, gũkĩra kũnyamarĩka nĩ ũndũ wa gwĩka ũũru.+ 18 Tondũ Kristo aakuire riita rĩmwe rĩa kũigana nĩ ũndũ wa mehia,+ mũndũ mũthingu nĩ ũndũ wa andũ matarĩ athingu,+ nĩgetha amũtongorie harĩ Ngai.+ Ooragirũo thĩinĩ wa mwĩrĩ+ no akĩriũkio thĩinĩ wa roho.+ 19 Na atariĩ ũguo, agĩthiĩ na akĩhunjĩria maroho marĩa mohetwo,+ 20 marĩa maakoretwo mategwathĩka rĩrĩa Ngai eetagĩrĩra akirĩrĩirie* matukũ-inĩ ma Nuhu,+ hĩndĩ ĩrĩa thabina yaakagwo,+ ĩrĩa andũ anini, ũguo nĩ kuuga, andũ* anana, maahonokirio mũiyũro wa maĩ marĩ thĩinĩ wayo.+
21 Ũbatithio, o ũcio ũringaine na ũndũ ũcio, o naguo rĩu nĩ ũramũhonokia inyuĩ (ti kũgerera kweherio gwa gĩko kĩa mwĩrĩ, ĩndĩ nĩ kũgerera kũhoya Ngai amũhe thamiri njega),+ kũgerera kũriũkio kwa Jesu Kristo. 22 Na rĩu arĩ guoko-inĩ kwa ũrĩo kwa Ngai,+ nĩ gũkorũo nĩ aambatire igũrũ, na araika na monene na mahinya nĩ maaigirũo rungu rwake.+