ŨTHUTHURIA INTANETI-INĨ
Ũthuthuria
INTANETI-INĨ
Gĩkũyũ
ũ
  • ĩ
  • ũ
  • BIBILIA
  • MABUKU
  • MĨCEMANIO
  • jl Ithomo rĩa 11
  • Tũthiaga Igomano Nene Nĩkĩ?

Hatirĩ video.

Tũrekere, nĩ hagĩa thĩna kũhingũra video ĩyo.

  • Tũthiaga Igomano Nene Nĩkĩ?
  • Nĩa Mareka Wendi wa Jehova Ũmũthĩ?
  • Ũhoro Ũhaanaine
  • Mĩcemanio Ĩrĩa Ĩtũteithagia ‘Gwĩkĩrana Hinya Ũhoro-inĩ Wĩgiĩ Wendo na Ciĩko Njega’
    Ithondeka Rĩrĩa Rĩkaga Wendi wa Jehova
Nĩa Mareka Wendi wa Jehova Ũmũthĩ?
jl Ithomo rĩa 11

ITHOMO RĨA 11

Tũthiaga Igomano Nene Nĩkĩ?

Kĩgomano gĩa thikũ ithatũ kĩa Aira a Jehova bũrũri-inĩ wa Mexico

Mexico

Ibuku rĩerũ rĩkĩrutwo kĩgomano-inĩ gĩa thikũ ithatũ bũrũri-inĩ wa Njĩrĩmani

Njĩrĩmani

Aira a Jehova marĩ kĩgomano-inĩ gĩa thikũ ithatũ bũrũri-inĩ wa Botswana

Botswana

Mwanake akĩbatithio bũrũri-inĩ wa Nicaragua

Nicaragua

Drama ya Bibilia kĩgomano-inĩ gĩa thikũ ithatũ bũrũri-inĩ wa Italy

Italy

Andũ aya maroneka makenete ũguo nĩkĩ? Marĩ kĩgomano-inĩ kĩmwe gitũ. O ta ũrĩa ndungata cia Ngai cia tene ciaathĩtwo igomanage maita matatũ o mwaka, nĩ tũkenagĩra mũno gũcemania igomano-inĩ nene. (Gũcokerithia Maathani 16:16) O mwaka, tũkoragwo na igomano ithatũ: igomano igĩrĩ cia mũthiũrũrũko cia mũthenya ũmwe na kĩgomano gĩa thikũ ithatũ. Tũgunĩkaga atĩa kuumana na igomano icio?

Nĩ ciĩkĩraga hinya ngwatanĩro itũ ya Gĩkristiano. O ta ũrĩa Aisiraeli maakenagĩra kũgooca Jehova “thĩinĩ wa igomano,” no taguo tũkenagĩra kũmũthathaiya tũrĩ hamwe mahinda-inĩ macio ma mwanya. (Thaburi 26:​12, kohoro ka magũrũ-inĩ; 111:1) Igomano icio itũheaga mweke wa gũcemania na kũnyitanĩra na Aira a Jehova a ciũngano ingĩ o na kana a mabũrũri mangĩ. Ihinda rĩa mĩaraho, tũrĩanagĩra hamwe kũu kĩgomano-inĩ na ũndũ ũcio ũkongerera gĩkeno kĩrĩa gĩkoragwo kuo ihinda-inĩ rĩu rĩa maũndũ ma kĩĩroho. (Atũmwo 2:42) Tũrĩ kũu nĩ twĩyonagĩra wendo ũrĩa ũnyitithanĩtie “thiritũ yothe ya ariũ a Ithe witũ” thĩinĩ wa thĩ.​—⁠1 Petero 2:⁠17.

Nĩ itũteithagia gũkũra kĩĩroho. Aisiraeli ningĩ nĩ maagunĩkaga tondũ nĩ ‘maataũkagĩrũo nĩ ciugo’ cia Maandĩko marĩa maataaragĩrio. (Nehemia 8:​8, 12) O na ithuĩ nĩ tuonaga ũrutani wa Bibilia ũrĩa twamũkagĩra igomano-inĩ citũ ũrĩ wa bata. Igomano icio ciothe ikoragwo ciĩhocetie Maandĩko-inĩ. Nĩ twĩrutaga ũrĩa tũngĩka wendi wa Ngai ũtũũro-inĩ witũ, kũgerera mĩario ya gũcanjamũra, mĩario ĩrũmanĩrĩire, na cionereria cia maũndũ maanekĩka. Nĩ twĩkagĩrũo ngoro rĩrĩa twaigua ũhoro wa cionereria cia andũ matooretie mathĩna marĩa mokaga nĩ ũndũ wa mũndũ gũkorũo arĩ Mũkristiano matukũ-inĩ maya maritũ. Igomano-inĩ cia thikũ ithatũ, video nĩ itũteithagia gũtaũkĩrũo ũrĩa maũndũ maatariĩ matukũ-inĩ ma Bibilia na igatũruta maũndũ marĩ na ũguni. O kĩgomano, nĩ kũbatithagio arĩa marenda kuonania wĩyamũrĩri wao harĩ Ngai.

  • Igomano ikoragwo irĩ mahinda ma gĩkeno nĩkĩ?

  • Ũngĩgunĩka atĩa ũngĩthiĩ kĩgomano?

CARIA ŨHORO MAKĨRIA

Ũngĩenda kũmenya makĩria ũhoro wĩgiĩ ũrũmwe witũ wa aarĩ na ariũ a Ithe witũ, no ũũke kĩgomano gitũ kĩrĩa kĩrũmĩrĩire. Ũrĩa mwĩrutaga nake Bibilia no akuonie programu ya kĩgomano kĩrĩa kĩĩrĩgĩte nĩguo wone nĩ maũndũ ta marĩkũ maragĩrĩrio. Andĩka karenda-inĩ yaku rĩrĩa kĩgomano kĩrĩa gĩũkĩte gĩgeekwo na kũrĩa gĩgeekĩrũo, na ũngĩkahota ũgaathiĩ.

    Mabuku ma Gĩkũyũ (1991-2025)
    Uma
    Ingĩra
    • Gĩkũyũ
    • Tũma
    • Thondeka
    • Copyright © 2025 Watch Tower Bible and Tract Society of Pennsylvania
    • Mawatho ma Ũhũthĩri
    • Ũigi wa Hitho
    • Mpangilio wa Faragha
    • JW.ORG
    • Ingĩra
    Tũma