Macokio ma ciũria cia Bibilia

Jesu etagwo Mũrũ wa Ngai nĩkĩ?

Ngai ndarĩ mũtumia maagĩire ciana nake. Nĩwe Mũũmbi wa indo ciothe irĩ muoyo. Andũ moombirũo marĩ na ũhoti wa kuonania ngumo cia Ngai. Nĩkĩo Adamu, mũndũ wa mbere ũrĩa Ngai ombire, etagwo “mũrũ wa Ngai.” O ũndũ ũmwe, Jesu etagwo “Mũrũ wa Ngai” tondũ ombirũo arĩ na ngumo ta cia Ithe.—Thoma Luka 3:38; Johana 1:14, 49.

Jesu ombirũo rĩ?

Ngai ombire Jesu mbere ya kũũmba Adamu. Ombire Jesu agĩcoka akĩmũhũthĩra hĩndĩ ya kũũmba indo iria ingĩ ciothe, o hamwe na araika. Nĩkĩo Bibilia yugaga atĩ Jesu “nĩwe waambire kũrigithathwo indo ciothe itaanombwo” nĩ Ngai.—Thoma Akolosai 1:15, 16.

Jesu aatũũraga igũrũ arĩ kĩũmbe kĩa roho atanaciarĩrũo Bethilehemu. Rĩrĩa ihinda rĩakinyire, Ngai nĩ aathamirie muoyo wa Jesu kuuma igũrũ nginya thĩinĩ wa nda ya Mariamu nĩgetha aciarũo arĩ mũndũ.—Thoma Luka 1:30-32; Johana 6:38; 8:23.

Ngai aabangire Jesu aciarĩrũo gũkũ thĩ arĩ mũndũ nĩkĩ? Nĩ ũndũ ũrĩkũ wa mwanya Jesu aahingirie? No wone macokio ma ciũria icio thĩinĩ wa Bibilia, na nĩ mekuongerera mũno ũtaũku na ngatho ciaku harĩ maũndũ marĩa Ngai na Jesu magwĩkĩire.