Ũrĩa Ũngiuga Wĩgiĩ Ngathĩti

Mũrangĩri Janũarĩ 1

Thoma Kĩambĩrĩria 2:16, 17. Ũcoke uuge ũũ: “Andũ amwe moigaga atĩ Ngai nĩ oĩ kabere Adamu no angĩehirie. Angĩ moonaga mũkaana ũcio ta ũngĩarĩ wa ũhinga, angĩkorũo Ngai nĩ aamenyaga ũrĩa kũngĩahanĩkire. We ũgwĩciria atĩa? [Eterera acokie.] Gĩcunjĩ gĩkĩ kĩrĩa kĩambĩrĩirie karatathi-inĩ ga 13 nĩ kĩrataarĩria ũrĩa Ngai ahũthagĩra ũhoti wake wa kũmenya maũndũ kabere.”

Amkeni! Janũarĩ

“Andũ amwe metĩkĩtie atĩ wĩtĩkio wĩhandĩte makĩria harĩ ũrĩa mũndũ araigua ngoro, gũkĩra harĩ itũmi. We ũgwĩciria atĩa? [Eterera acokie.] Kũringana na Bibilia, tũtiagĩrĩirũo nĩ gwĩtĩkia ũndũ o wothe hatarĩ gĩtũmi. [Thoma 1 Johana 4:1.] Gĩcunjĩ gĩkĩ kĩrĩa kĩambĩrĩirie karatathi-inĩ ga 28 kĩrataarĩria ũrĩa tũngĩtigĩrĩra atĩ wĩtĩkio witũ wĩhandĩte makĩrĩa harĩ itũmi.”

Mũrangĩri Februarĩ 1

“Ndigano nĩ cingĩhĩte mũno mahinda-inĩ maitũ. Ũgwĩciria nĩkĩ gĩtũmi? [Eterera acokie.] Ta rora ũtaaro ũyũ ũrĩa ũteithĩtie andũ aingĩ arĩa mahikanĩtie. [Thoma 1 Akorintho 10:24.] Ngathĩti ĩno ĩronania mateta matandatũ marutĩtwo nĩ athuri na atumia arĩa mahikanĩtie na nĩ ĩronania ũrĩa kũhũthĩra mataaro ma Bibilia kũngĩteithia.”

Amkeni! Februarĩ

“Andũ aingĩ rĩu nĩ maroneka magĩkenio nĩ maũndũ makoniĩ arogi, ago, na aragũri. Nĩ ũgwĩciria nĩ ũũru kwĩingĩria maũndũ-inĩ macio? [Eterera acokie.] Ta rora mũkaana ũyũ Ngai aaheire ciana cia Aisiraeli. [Thoma Gũcokerithia Maathani 18:10-12.] Ngathĩti ĩno ĩronania ũrĩa Bibilia yugaga igũrũ rĩgiĩ ũgo na ũragũri.”