Imenyithia

◼ Mabuku marĩa tũkũhũthĩra tũkĩhunjia mweri wa Machi: Bibilia Ĩrutanaga Atĩa Kũna? Ĩkĩra kĩo kĩnene kwambĩrĩria wĩruti wa Bibilia. Ĩpuro na Mĩĩ: Ngathĩti cia Mũrangĩri na Amkeni! Mũndũ angĩonania wendi wa kũmenya makĩria, no ũmũhe trakti Wee No Wende Kũmenya Ma? na ũgerie kwambĩrĩria wĩruti wa Bibilia. Rĩrĩa tũracokera andũ arĩa mookire Kĩririkano kana o ũndũ-inĩ ũngĩ wa gĩtheokrasi no matiranyitanĩra na kĩũngano, ambĩrĩria wĩruti wa Bibilia hamwe nao ũkĩhũthĩra ibuku Bibilia Ĩrutanaga. Juni: Bibilia Ĩrutanaga Atĩa Kũna? Ĩkĩra kĩo kĩnene kwambĩrĩria wĩruti wa Bibilia riita rĩa mbere. Angĩkorũo ene nyũmba marĩ na ibuku rĩu na matirenda wĩruti wa Bibilia-rĩ, ahunjia no mahũthĩre ibuku Ujuzi, kana broshua Ngai Endaga kana Ikaragai Mwĩhũgĩte!

◼ Rĩrĩa ũrahunjĩria mũndũ waragia Gĩcaina-rĩ, mwonie thĩinĩ wa kabuku Nations karatathi karĩa Gĩcaina (gĩa thĩinĩ) (CH) na Gĩcaina (Kĩhũthie) (CHS) kĩonekaga, nĩguo onanie nĩ kĩrĩkũ endete gũthoma. Ũrĩa kũrĩ nĩ atĩ, andũ kuuma Hong Kong kana Taiwan makenagĩra gũthoma Gĩcaina (gĩa thĩinĩ) (CH), no andũ a kuuma Caina makenagĩra Gĩcaina (Kĩhũthie) (CHS). No ũndũ wĩgiĩ Vidio kana CD cia gũthikĩrĩria, nĩ wega gwĩciria rũthiomi rũrĩa mwene nyũmba aragia na anyitaga wega biũ. Kaingĩ andũ a kuuma Caina na Taiwan manyitaga mũno (Mandarin) (CHM), no arĩa a kuuma Hong Kong manyitaga Gĩcaina (Cantonese) (CHC).

◼ Vidio ĩrĩa ĩtagwo Jehovah’s Witnesses—Organized to Share the Good News nĩ ĩkaarĩrĩrio Mũcemanio-inĩ wa Ũtunguta mweri wa Ogasti. Angĩkorũo harĩ andũ mekũbatara vidio ĩo-rĩ, magĩrĩirũo gũcihoya kũgerera kĩũngano kĩao na ihenya o ũrĩa kwahoteka.