Matemo ma Ũtungata

Kenya: Kũrarĩ na wongerereku wa ũtungata mweri-inĩ wa Ĩpuro. Mweri-inĩ ũcio, andũ nĩ meekĩrirũo ngoro moye ũpainia wa gũteithĩrĩria na ũndũ ũcio nĩ wanyitirũo mbaru wega na gũkĩgĩa tũcũmbĩrĩ twerũ twa mapainia a gũteithĩrĩria 6,920, mathaa 661,233, ngathĩti 285,011, gũcokera andũ 188,847, na arutwo a Bibilia 41,410. Ahunjia arĩa maarutire riboti mweri wa Ĩpuro maarĩ 24,198; ũcio arĩ wongerereku wa 6% wa ahunjia, ũrĩa ũrĩ igũrũ makĩria mwaka-inĩ ũyũ wa ũtungata. Mũigana wa 42% wa ahunjia othe nĩ maatungatire marĩ mapainia a gũteithĩrĩria, mapainia a hĩndĩ ciothe, mapainia a mwanya kana amishonarĩ. O na arĩa mataahotire gũtungata marĩ mapainia a gũteithĩrĩria nĩ moongereire ũtungata wao. Arĩa mokire kĩririkano maarĩ 66,364, hakuhĩ maita matatũ ma ahunjia arĩa marĩ Kenya.

Uganda: Hakuhĩ maũndũ mothe megiĩ riboti ya Ĩpuro maronania tũcũmbĩrĩ twerũ. Harĩ ahunjia othe 5,438, ahunjia 1,855 nĩ maatungatire marĩ mapainia a gũteithĩrĩria. Aya nĩ hakuhĩ maita mana ma mapainia a gũteithĩrĩria arĩa manatungata harĩ mweri ũmwe! Harĩ mathaa 165,358 marĩa maahũthĩrirũo ũtungata-inĩ, nĩ maacokerire andũ maita 80,741 na makĩĩruta na arutwo a Bibilia 15,222. Arĩa maathire Kĩririkano marĩ 21,393. Nĩ gĩkeno gĩtariĩ atĩa kuona andũ a Jehova “marĩ na kĩyo kĩingĩ nĩ ũndũ wa ũhoro”!—Atũm. 18:5, NW.