Imenyithia

◼ Mabuku marĩa tũgũkorũo tũkĩheana Janũarĩ: Bibilia Ĩrutanaga Atĩa Kũna? Wĩrutanĩrie kwambĩrĩria wĩruti wa Bibilia riita rĩa mbere. Angĩkorũo mwene nyũmba nĩ arĩ na ibuku rĩu na ndarenda kwĩruta Bibilia, mũhunjia no amũhe ngathĩti kana broshua o yothe ĩrĩa ĩraarĩrĩria maũndũ marĩa mangĩmũkenia. Februarĩ: Ahunjia no maheane rĩmwe rĩa mabuku maya: Biblia—Neno la Mungu au la Binadamu?, Je, Kuna Muumba Anayekujali?, na Siri ya Kupata Furaha ya Familia. Machi: Bibilia Ĩrutanaga Atĩa Kũna? Wĩrutanĩrie kwambĩrĩria wĩruti wa Bibilia riita rĩa mbere. Angĩkorũo mwene nyũmba nĩ arĩ na ibuku rĩu na ndarenda kwĩruta Bibilia, mũhunjia no amũhe ngathĩti kana broshua o yothe ĩrĩa ĩrarĩrĩria maũndũ marĩa mangĩmũkenia. Ĩpuro na Mĩĩ: Ngathĩti cia Mũrangĩri na Amkeni! Mũndũ angĩonania nĩ akenio nĩ ũhoro ũcio, mũhe trakti ya Wee no Wende Kũmenya Ma? na wĩrutanĩrie kwambĩrĩria kwĩruta Bibilia nake. Ũgĩcokera arĩa marokĩte Kĩririkano gĩa gĩkuũ kĩa Jesu kana ũndũ-inĩ ũngĩ wa gĩtheokrasi no matinyitanagĩra na kĩũngano biũ, wĩrutanĩrie kwambĩrĩria kwĩruta Bibilia nao ũkĩhũthĩra ibuku rĩa Bibilia Ĩrutanaga.

◼ Kwambĩrĩria Februarĩ, kĩongo kĩerũ kĩa mĩario ya arori a mũthiũrũrũko nĩ “Hihi Mwĩhoko Waku Ũrĩ Harĩ Jehova?”

◼ Kwambĩrĩria riuma rĩa Februarĩ 1, 2012, ngathĩti ya Mũrangĩri ya andũ othe, nĩ ĩrĩkoragwo na gĩcunjĩ kĩrĩ na kĩongo “Mathomo Makwa ma Bibilia.” Kĩhaarĩrĩirio kĩhũthĩrũo nĩ aciari na ciana ciao cia mĩaka ĩtatũ kana nyinyi, kĩrĩcenjanagio rĩmwe na icunjĩ cia “Ruta Ciana Ciaku” na “Nĩ Ũndũ wa Andũ Ethĩ.”