Imenyithia

◼ Mabuku marĩa tũkũhũthĩra tũkĩhunjia mweri-inĩ wa Februarĩ: Ahunjia no mahũthĩre rĩmwe rĩa mabuku maya: Biblia—Neno la Mungu au la Binadamu?, Je, Kuna Muumba Anayekujali?, Siri ya Kupata Furaha ya Familia. Machi: Bibilia Ĩrutanaga Atĩa Kũna? Geria kwambĩrĩria wĩruti wa Bibilia na andũ riita rĩa mbere. Angĩkorũo ene nyũmba marĩ na ibuku rĩu na matirenda kũrutwo Bibilia-rĩ, ahunjia no mamatigĩre ĩmwe ya ngathĩti cia tene kana broshua o yothe ĩrĩa ĩngĩmagucĩrĩria. Ĩpuro na Mĩĩ: Ngathĩti cia Mũrangĩri na Amkeni! Mũndũ angĩkenio nĩ ndũmĩrĩri, mũhe trakti Wee no Wende Kũmenya Ma? na ũgerie kwambĩrĩria wĩruti wa Bibilia hamwe nake. Ũgĩcokera arĩa mookire Kĩririkano-inĩ kana mĩcemanio-inĩ ĩngĩ ya gĩtheokrasi no matinyitanagĩra kaingĩ na kĩũngano, geria kwambĩrĩria wĩruti wa Bibilia nao ũkĩhũthĩra ibuku rĩa Bibilia Ĩrutanaga.

◼ Mĩario ya mwanya ĩkaheanwo mũico-inĩ wa kiumia kĩrĩa gĩkaarũmĩrĩra Kĩririkano na igaakorũo na kĩongo “Hihi Mũthia Wĩ Hakuhĩ Gũkĩra Ũrĩa Ũreciria?”

◼ Hĩndĩ ĩrĩa ũrabanga gũceera bũrũri-inĩ ũtonanĩtio thĩinĩ wa riboti ya ica ikuhĩ ya mwaka wa ũtungata kana ũrĩa andĩrĩthi ciaguo itarĩ karatathi-inĩ ka mũico ga Kitabu cha Mwaka gĩa ica ikuhĩ, nĩ wega kwaranĩria na wabici ya rũhonge ya kwanyu nĩguo ũmenye nĩ maũndũ marĩkũ wagĩrĩirũo nĩ kwĩmenyerera kana mangĩ ma mwanya ũngĩbatara kũrũmĩrĩra. Wĩra wa Ũthamaki bũrũri-inĩ ũcio wahota gũkorũo wĩkĩrĩirũo mĩkaana ya mũthemba mũna. (Mat. 10:16) Thĩinĩ wa mabũrũri mamwe no ũkorũo ũtarĩ ũndũ mwega ageni kũnyitanĩra na Aira a Jehova a kũu kana na ciũngano. No ũbatare ũtaaro ũngĩ wĩgiĩ kũhunjia ũterĩgĩrĩire kana mĩkuuĩre ya mabuku. Kũrũmĩrĩra ũtongoria ũyũ gũgũkũgitĩra na kũgitĩre wĩra wa Ũthamaki bũrũri-inĩ ũrĩa ũgũceera kuumana na mathĩna mangĩĩthemwo.—1 Kor. 14:33, 40.