‘Ruta Ũira Mũkinyanĩru’
1. Mũtũmwo Paulo aaigire kĩonereria kĩrĩkũ kĩega ũtungata-inĩ?
1 ‘Hingagia ũtungata waku wothe.’ (2 Tim. 4:5) Akĩhe Timotheo ũtaaro ũcio, hatarĩ nganja mũtũmwo Paulo aarĩ na wĩyathi mũingĩ wa kwaria. Kuuma mwaka wa 47 gũkinyĩria wa 56 M.M., Paulo nĩ aathiĩte ngʼendo ithatũ cia ũmishonarĩ. Ibuku rĩa Atũmwo nĩ rĩgwetete maita maingĩ ũhoro wĩgiĩ Paulo ‘kũruta ũira mũkinyanĩru.’ (Atũm. 23:11; 28:23, NW) Tũngĩhota gwĩka ũguo atĩa mahinda-inĩ maya?
2. Tũngĩruta ũira mũkinyanĩru atĩa tũkĩhunjia nyũmba kwa nyũmba?
2 Nyũmba kwa Nyũmba: Tũkĩĩrutanĩria gũcaria ene nyũmba arĩa matarĩ maahunjĩrio ũhoro ũrĩa mwega, no tũbatare kũhunjia mathaa ngũrani na marĩa tũmenyerete. Mũthuri mwene mũciĩ no akorũo gwake nyũmba mathaa ma hwaĩ-inĩ kana mũthia-inĩ wa kiumia. Twagĩrĩirũo gũtigĩrĩra nĩ twahunjĩria mũndũ thĩinĩ wa nyũmba o nyũmba, na tũgacoka kaingĩ kũrora nyũmba iria tũtakoraga andũ. Ĩ angĩkorũo kĩyo gĩaku gĩa gũkora mũndũ mũna gĩtiraciara maciaro? No gũkorũo ũngĩmwandĩkĩra marũa kana ũmũhũrĩre thimũ no ũgĩe na moimĩrĩro mega.
3. Ũkoragwo na mĩeke ĩrĩkũ ya kũhunjia kũndũ kwa mũingĩ na rĩrĩa mĩeke yeyumĩria?
3 Kũndũ kwa Mũingĩ na Rĩrĩa Mĩeke Yeyumĩria: Ũmũthĩ andũ a Jehova mamenyithanagia “Ũũgĩ-wa-ma” kũrĩ arĩa othe mekũmathikĩrĩria. Rĩmwe na rĩmwe mekaga ũguo “mabarabara-inĩ” kana “ihaaro-inĩ [mũingĩ-inĩ].” (Thim. 1:20, 21) Rĩrĩa tũrĩ mĩhangʼo-inĩ itũ ya o mũthenya-rĩ, hihi nĩ tũcaragia mĩeke ya kũruta ũira? Hihi no tuuge atĩ nĩ ‘tũhũthagĩra mahinda maitũ mothe kũhunjia’? (Atũm. 18:5, New Kikuyu Bible) Angĩkorũo nĩguo-rĩ, nĩ tũrahingia wĩra witũ wa “kũruta ũira mũkinyanĩru.”—Atũm. 10:42; 17:17; 20:20, 21, 24, NW.
4. Kũhoya na gwĩcũrania kũngĩtũteithia atĩa kũruta ũira mũkinyanĩru?
4 O na kũrĩ ũguo-rĩ, rĩmwe na rĩmwe nĩ ũndũ wa mawathe ma mũndũ kĩũmbe kana thoni, no twĩtigĩre kũruta ũira. Hatarĩ nganja, Jehova nĩ oĩ mawathe maitũ. (Thab. 103:14) Kwoguo, rĩrĩa mĩeke ta ĩyo yoimĩra, twagĩrĩirũo kũmũhoya atũhe ũmĩrĩru wa kwaria. (Atũm. 4:29, 31) Ningĩ, hĩndĩ ya wĩruti wa mũndũ kĩũmbe na rĩrĩa tũrecũrania ũhoro wa Kiugo kĩa Ngai, no twĩrutanĩrie kũrikĩria ũmenyo witũ wĩgiĩ bata wa ũhoro ũrĩa mwega. (Afil. 3:8) Ũndũ ũcio ũrĩtũtindĩkaga kũhunjia ũhoro ũcio na kĩyo!
5. Tũngĩgĩa na itemi atĩa harĩ kũhinga kwa ũrathi wa Joeli?
5 Ũrathi wa Joeli nĩ woigĩte atĩ mbere ya gũka kwa mũthenya ũrĩa wa kũguoyohia wa Jehova, andũ a Ngai nĩ mangĩgakorũo ‘magĩthiĩ na mbere’ na matireke kĩndũ o na kĩrĩkũ kĩmarigĩrĩrie kũhunjia. (Joel 2:2, 7-9, NW) Rekei tũrute biũ wĩra ũyũ wa kũhunjia ũrĩa ũtagaacokerũo o rĩ!