Imenyithia

◼ Mabuku marĩa tũkaaheana mweri wa Machi na Ĩpuro: Ngathĩti cia Mũrangĩri na Amkeni! Ũgĩcokera arĩa ũhunjĩirie, hũthĩra Bibilia Ĩrutanaga kana ũngĩona nĩ kwagĩrĩire makĩria kũringana na mabataro ma mũndũ ũcio, hũthĩra broshua Thikĩrĩria Ngai kana Thikĩrĩria Ngai na Ũtũũre Tene na Tene, na ũgerie kwambĩrĩria kũmaruta Bibilia. Mĩĩ na Juni: Ahunjia no maheane ĩmwe ya trakti ici: Aira a Jehova Metĩkĩtie Atĩa?, Jehova—​We Nũũ?, Kwĩ na Kĩĩrĩgĩrĩro Kĩrĩkũ Harĩ Endwa Arĩa Makuĩte?, Mĩnyamaro Yothe Ĩrĩ Hakuhĩ Gũthira!, Muoyo Thĩinĩ wa Thĩ Njerũ Ĩrĩ na Thayũ, We-rĩ Nĩ Ũrĩ na Roho Ũtangĩhota Gũkua?, kana Je! Ulimwengu Huu Utaokoka? Mũndũ angĩonania nĩ akenio mũno nĩ ũhoro ũcio, muonie ũrĩa angĩĩruta Bibilia ũkĩhũthĩra ibuku rĩa Bibilia Ĩrutanaga kana ĩmwe ya broshua Thikĩrĩria Ngai kana Thikĩrĩria Ngai na Ũtũũre Tene na Tene.

◼ Kĩririkano gĩgeekwo Njumaine, Machi 26, 2013. Angĩkorũo nĩ mũkoragwo na mĩcemanio mũthenya wa Njumaine, yagĩrĩirũo gwĩkwo mũthenya ũngĩ kiumia-inĩ o kĩu. Angĩkorũo gũtikũhoteka gwĩka Mũcemanio wa Ũtungata kiumia-inĩ kĩu-rĩ, mũtabarĩri wa kĩama gĩa athuri no eke ũgarũrũku mũcemanio-inĩ ũngĩ wa ũtungata mweri-inĩ ũcio, nĩguo icunjĩ iria ingĩhũthĩka kĩũngano-inĩ kĩanyu cikaarĩrĩrio hĩndĩ ĩyo. Ciũngano iria igaakorũo na iceera rĩa mũrori wa mũthiũrũrũko ciagĩrĩirũo gũcenjia mĩcemanio ĩrĩa ĩkagwo Njumaine hwaĩ-inĩ ĩkwo mũthenya ũngĩ kiumia-inĩ o kĩu.