Nĩ kĩĩ Gĩtũmaga Wone Ũthathaiya wa ma ũrĩ wa Bata?

Ayahudi arĩa maarĩ ithamĩrio nĩ meekĩrirũo ngoro nĩ kĩoneki kĩa Ezekieli kĩgiĩ hekarũ tondũ nĩ gĩatũmire magĩe na mwĩhoko atĩ ũthathaiya wa ma nĩ ũngĩgacokio. Matukũ-inĩ maya ma kũrigĩrĩria, ũthathaiya wa ma ‘nĩ ũtũũgĩrĩtio na igũrũ, ũgakĩrũka tũcũmbĩrĩ twa irĩma iria ingĩ,’ na ithuĩ tũrĩ amwe a arĩa moimĩte ndũrĩrĩ-inĩ ciothe makaingĩra thĩinĩ waguo. (Isa 2:2) Hihi nĩ wĩcũranagia kaingĩ ũhoro wa mweke wa mwanya ũrĩa ũrĩ naguo wa kũmenya Jehova na kũmũtungatĩra?

IRATHIMO IRIA TŨKENAGĨRA NĨ ŨNDŨ WA GŨKORŨO THĨINĨ WA ŨTHATHAIYA WA MA:

• 

  Irio nyingĩ cia kĩĩroho iria itũmaga tuone macokio ma ciũria iria nditũ ũtũũro-inĩ, motaaro tũngĩhũthĩra mũtũũrĩre-inĩ, na tũgĩe na kĩĩrĩgĩrĩro kĩrũmu.—Isa 48:17, 18; 65:13; Ro 15:4

• Ũrũmwe wa aarĩ na ariũ a Ithe witũ mendanĩte thĩinĩ wa thĩ yothe.—Thab 133:1; Joh 13:35

• Mweke wa gũkorũo tũrĩ arutithania wĩra na Ngai, wĩra-inĩ ũrehage gĩkeno.—Atũ 20:35; 1Ko 3:9

• “Thayũ wa Ngai” ũrĩa ũtwĩkĩraga hinya rĩrĩa maũndũ maritũha.—Afi 4:6, 7

• Thamiri ĩtarĩ na ũcuke.—2Ti 1:3

• Ũrata wa hakuhĩ hamwe na Jehova.—Thab 25:14

Ingĩonania na njĩra irĩkũ atĩ ũthathaiya wa ma nĩ wa bata harĩ niĩ?