Kwagagĩria Ũtungata Witũ​—Kũũria Ciũria na Njĩra Njega

ŨNDŨ ŨCIO NĨ WA BATA NĨKĨ? Angĩkorũo “methugunda ma ngoro ya mũndũ matariĩ ta maĩ me irima iriku,” ciũria nĩ ta ndoo ya kũmataha. (Thi 20:5) Kũũria ciũria nĩ gũtũmaga mũndũ ũrĩa tũraria nake eyarie. Macokio ma ciũria ciũrĩtio na njĩra njega nĩ mateithagia mũndũ gũtaũkĩrũo ũrĩa mũndũ ũcio ũngĩ araigua. Jesu nĩ oragia ciũria na njĩra njega. Tũngĩĩgerekania nake atĩa?

ŨRĨA TŨNGĨKA:

• Ũria ciũria cia mawoni. Jesu nĩ oragia ciũria nĩguo amenye mawoni ma arutwo ake. (Mat 16:13-16; be 238 kĩb. 3-5) Nĩ ciũria ta irĩkũ cia mawoni ũngĩũria?

• Ũria ciũria cia gũteithĩrĩria mũndũ kũmenya macokio. Jesu akĩrũnga mwĩcirĩrie wa Petero nĩ aamũririe ciũria na akĩmũhe anja cigana ũna athuure ĩmwe, ũndũ ũrĩa ũngĩateithirie Petero akinyĩrĩre kũmenya macokio marĩa magĩrĩire. (Mat 17:24-26) Nĩ ciũria ta irĩkũ cia gũteithĩrĩria mũndũ kũmenya macokio ũngĩũria?

• Cokeria ũrĩa mũraria nake ngatho. Jesu nĩ aacokeirie mwandĩki marũa ũmwe ngatho nĩ ũndũ wake ‘gũcokia na ũũgĩ.’ (Mar 12:34) Nĩ na njĩra ĩrĩkũ ũngĩcokeria mũndũ ngatho acokia kĩũria?

WĨRORERE GACUNJĨ KA MBERE KA VIDEO, RUTA WĨRA ŨRĨA JESU AARUTAGA—RUTANA, ŨCOKE ŨCOKIE CIŨRIA ICI:

• Nĩkĩ gĩkĩ nĩ kĩonereria kĩũru gĩa kũrutana o na gũtuĩka ũhoro ũrĩa ũrarutanwo ndũrĩ na mahĩtia?

• Nĩkĩ gũtaarĩria ũhoro gwiki ti kũiganu?

WĨRORERE GACUNJĨ GA KERĨ KA VIDEO ĨYO, ŨCOKE ŨCOKIE CIŨRIA ICI:

• Mũrũ wa Ithe witũ ahũthĩra ciũria na njĩra njega atĩa?

• Nĩ maũndũ marĩkũ mangĩ megiĩ kũrutana tũngĩĩgerekania nake?