MŨTHITHŨ KUUMA KIUGO-INĨ KĨA NGAI | JOHANA 5–6
Rũmĩrĩra Jesu Ũrĩ na Muoroto Mwega
Hĩndĩ ĩrĩa Jesu aaheanire ngerekano yarĩ nditũ harĩ arutwo ake gũtaũkĩrũo, amwe ao nĩ maahĩngĩkire na magĩtiga gũtwarana nake. Mũthenya ũmwe tu mbere ĩyo, Jesu nĩ aamahũnĩtie na njĩra ya kĩama, na ũndũ ũcio ũkĩonania atĩ hinya wake woimaga kũrĩ Ngai. Nĩ kĩĩ gĩagĩtũmire mahĩngĩke? Kuonekaga muoroto wao wa kũrũmĩrĩra Jesu warĩ wa mwĩyendo. Maarũmagĩrĩra Jesu nĩgetha magunĩke kĩĩmwĩrĩ.
O ũmwe witũ agĩrĩirũo kwĩyũria ũũ: ‘Nũmagĩrĩra Jesu nĩkĩ? Hihi gĩtũmi kĩnene nĩ irathimo iria ndĩrona ihinda rĩrĩ na iria ngoona ihinda rĩũkĩte? Kana nĩ tondũ nĩ nyendete Jehova na nĩ nyendaga kũmũkenia?’
Nĩ kĩĩ kĩngĩtũma tũhĩngĩke angĩkorũo itũmi nene cia gũtungatĩra Jehova nĩ ici irũmĩrĩire?
Nĩ tũkenagĩra gũkorũo tũrĩ hamwe na andũ a Ngai
Nĩ twendaga gũgaatũũra thĩinĩ wa Paradiso