Kũhanda Mbeũ ya Ũthamaki

1. Ũkai ndungata cia Ngai,

Inyuĩ mũmwĩyamũrĩire.

Rutai wĩra wa mwathani,

Mwĩrute na njĩra ciake.

Handai mbeũ mũtarĩ guoya,

Ngoroinĩ nĩ igũciara,

Maciaro mega mwerutanagĩria

Kũhingagia gĩcunjĩ kĩanyu.

2. Imwe cia iria mũkũhura

Nĩ ikũgwa mahigainĩ.

O na ciakũra gwa kahinda,

Itikoragwo na mĩri.

Imwe ikũgwa handũ he mĩigua

Ũhoro ũgatharario.

No kũrĩ igũkũra na iciare

Cingĩgwa tĩriinĩ mũnoru.

3. Kũgĩa na moimĩrĩro mega

Kũringanaga na inyuĩ.

Mwĩ na wendo na wetereri,

No macenjie ngoro ciao.

Na mũmateithie maniine guoya,

Hũthĩrai ũtaũku.

Na nĩ mũrĩkenagĩra kũgetha

Mĩrongo o nginya igana.