Tũũra Ũcũthĩrĩirie Kĩheo!

1. Rĩrĩa atumumu makoona

Arĩa mataiguaga maigue,

Werũ ũcanũke mahũa

Rũngʼũrĩ rũgĩe na maĩ,

Arĩa mathuaga mahonio,

Endwa matikanatigane,

Ũkoona irathimo icio,

Wacũthĩrĩria kĩheo.

2. Rĩrĩa akũrũ mageethĩha,

Na arĩa mataragia marie,

Thĩ ĩgĩe na maciaro maingĩ

Indo njega itikaaga,

Rĩrĩa kũna ciana ikaina,

Na kũgĩe thayũ na gĩkeno,

Ũkoona akuũ makĩriũkio,

Wacũthĩrĩria kĩheo.

3. Rĩrĩa njũi o na tũgondu,

Ikarĩanagĩra hamwe,

Njaũ na nduba itũũranie,

Itongoragio nĩ kaana.

Rĩrĩa maithori magaathira,

Guoya o na ruo iniinwo,

Ũkoona Ngai akĩhingia,

Wacũthĩrĩria kĩheo.