Rwĩmbo Na. 33
Mũtikanametigĩre!
1. Thiĩi mbere, andũ akwa,
Hunjiai Ũthamaki.
Mũtigetigĩre thũ.
Reke andũ mamenye
Mũrũ wakwa, Jesu Kristo,
Nĩ aharũrũkĩtie thũ,
Na nĩ ekuoha Mũcukani,
Nĩguo andũ mohorũo.
(KORASI)
Mũtikanametigĩre,
O na mamwĩhĩtĩra.
Niĩ nĩ ndĩmũgitagĩra
O ta kĩũma kĩa riitho.
2. O na thũ cianyu ciaingĩha,
O na cingĩmũruma,
O na cingĩmũthekia,
Nĩguo imũhĩtithie.
Mũtikanaciĩtigĩre,
O na mũngĩnyarirũo,
Tondũ arĩa ehokekul
Nĩ ndĩmagitagĩra.
(KORASI)
Mũtikanametigĩre,
O na mamwĩhĩtĩra.
Niĩ nĩ ndĩmũgitagĩra
O ta kĩũma kĩa riitho.
3. Niĩ ndingĩmũtiganĩria;
Ndĩ hinya na ngo yanyu.
O na kana nĩ mũkue,
Nĩ ngaamũcokia muoyo.
Mũtigetigĩre arĩa
Moragaga o mwĩrĩ.
Tũũrai mwĩ ehokeku;
Na nĩ ngaamũhe muoyo!
(KORASI)
Mũtikanametigĩre,
O na mamwĩhĩtĩra.
Niĩ nĩ ndĩmũgitagĩra
O ta kĩũma kĩa riitho.
(Ningĩ rora Gũcok. 32:10; Neh. 4:14; Thab. 59:1; 83:2, 3.)