GĨCUNJĨ GĨA 7

Jesu Aarĩ Ũ?

Jehova aatũmire Jesu gũkũ thĩ. 1 Johana 4:9

Jesu arĩ igũrũ guoko-inĩ kwa ũrĩo kwa Ngai

Angĩkorũo nĩ tũkwenda gũkenia Jehova-rĩ, no mũhaka tũthikĩrĩrie mũndũ ũngĩ wa bata mũno. Kahinda karaya mũno mbere ya kũũmba Adamu, Jehova nĩ oombire kĩũmbe kĩa roho kĩrĩ hinya kũu igũrũ.

Mariamu arĩ na nda na thutha wa Jesu gũciarũo

Thutha wa ihinda, Jehova agĩtũma kĩũmbe kĩu gĩciarĩrũo Bethilehemu nĩ mũirĩtu gathirange wetagwo Mariamu. Kaana kau gagĩĩtwo Jesu.—Johana 6:38.

Arĩ mũndũ gũkũ thĩ, Jesu oonanirie ngumo cia Ngai na njĩra nginyanĩru. Aarĩ mũndũ mũtugi, ũrĩ wendo, na wakinyĩrĩkaga. Aarutire andũ ũhoro wa ma wĩgiĩ Jehova atarĩ na guoya.

Jesu eekaga maũndũ mega no nĩ aamenetwo. 1 Petero 2:21-24

Jesu akĩriũkia kairĩtu na akĩhonia mũndũ mũrũaru

Jesu ningĩ nĩ aahonirie arĩa arwaru na akĩriũkia amwe arĩa maakuĩte.

Atongoria a ndini nĩ maamenete Jesu tondũ nĩ ooimbũraga morutani mao ma maheeni na mĩthiĩre yao mĩũru.

Atongoria a ndini maacogerire Aroma mahũũre Jesu na mamũũrage.