Hihi Jehova nĩ Atũthikagĩrĩria?

Ngai nĩ athikagĩrĩria mahoya maitũ. 1 Petero 3:12

Jehova nĩwe “Mũigua wa mahoya.” (Thaburi 65:2) Endaga tũmwarĩrie kuuma ngoro thĩinĩ.

Hoyaga Jehova no ti mũndũ ũngĩ o na ũrĩkũ.

No tũhoe igũrũ rĩa maũndũ maingĩ. 1 Johana 5:14

Hoyaga wendi wa Ngai wĩkwo igũrũ na thĩ.

Hoyaga Jehova agũteithie wĩkage ũrĩa kwagĩrĩire. Ningĩ no ũhoe igũrũ rĩgiĩ irio, wĩra, nyũmba, nguo, na ũgima wa mwĩrĩ.

Hoyaga thĩinĩ wa rĩĩtwa rĩa Jesu nĩguo wonanie atĩ nĩ wonaga bata wa ũrĩa aagwĩkĩire.