Ndini Igeekwo Atĩa?

1. Hihi nĩ ndini ciothe njega?

Thĩinĩ wa ndini ciothe nĩ kũrĩ andũ marĩ ngoro njega. Nĩ ũhoro mwega kũmenya atĩ Ngai nĩ onaga andũ acio na nĩ amarũmbũyagia. No ũndũ wa kĩeha nĩ atĩ, ndini nĩ ĩkoretwo ĩkĩhũthĩrũo gwĩka maũndũ moru. (2 Akorintho 4:3, 4; 11:13-15) Kũringana na mohoro kuuma kũndũ na kũndũ, ndini imwe o na nĩ ciĩingĩragia thĩinĩ wa ũtoi, njũragano ya kũniina ndũrĩrĩ, mbaara, na kũhũthĩra ciana ũũru. Maũndũ macio nĩ matũmaga andũ arĩa metĩkĩtie Ngai kũna maigue ũũru!​—Thoma Mathayo 24:3-5, 11, 12.

Ndini ya ma ĩgoocithagia Ngai, nayo ndini ya maheeni ĩkamũrakaria. Ĩrutanaga maũndũ matarĩ thĩinĩ wa Bibilia, hamwe na morutani ma maheeni megiĩ Ngai na megiĩ arĩa makuĩte. Ĩndĩ, Jehova endaga andũ mamenye ũhoro ũrĩa wa ma ũmũkoniĩ.​—Thoma Ezekieli 18:4; 1 Timotheo 2:3-5.

2. Ndini igeekwo atĩa?

Nĩ gĩkeno kũmenya atĩ, Ngai ndaheenagio nĩ ndini iria ciĩtuaga atĩ nĩ imwendete ĩndĩ kũna ciendete thĩ ya Shaitani. (Jakubu 4:4) Kiugo kĩa Ngai gĩtaga ndini ciothe cia maheeni “Babuloni Ũrĩa Mũnene.” Babuloni rĩarĩ itũũra rĩa tene kũrĩa ndini ya maheeni yaambĩrĩirie thutha wa Mũiyũro wa hĩndĩ ya Nuhu. Ica ikuhĩ, Ngai nĩ ekũrehe mwanangĩko wa na ihenya harĩ ndini ĩrĩa ĩheenagia na ĩkahinyĩrĩria andũ.​—Thoma Kũguũrĩrio 17:1, 2, 5, 16, 17; 18:8.

O na kũrĩ ũguo, Jehova ndariganĩirũo nĩ andũ arĩa marĩ ngoro njega thĩinĩ wa ndini cia maheeni thĩinĩ wa thĩ yothe. Nĩ aratũma andũ ta acio makorũo na ũrũmwe na njĩra ya kũmaruta ũhoro ũrĩa wa ma.​—Thoma Mika 4:2, 5.

3. Andũ arĩa marĩ ngoro njega magĩrĩirũo gwĩka atĩa?

Jehova nĩ arũmbũyagia andũ arĩa mendete maũndũ mega na ma ma. Ameeraga moime thĩinĩ wa ndini ya maheeni. Andũ arĩa mendete Ngai nĩ makoragwo mehaarĩirie gwĩka mogarũrũku nĩguo mamũkenagie.​—Thoma Kũguũrĩrio 18:4.

Hĩndĩ ya karine ya mbere, rĩrĩa andũ arĩa maarĩ na ngoro njega maahunjĩirio ũhoro ũrĩa mwega nĩ atũmwo, nĩ maaũiyũkirie na gĩkeno. Nĩ meerutire njĩra njerũ ya ũtũũro kuuma kũrĩ Jehova, njĩra ya ũtũũro ĩrĩ na gĩkeno, muoroto na kĩĩrĩgĩrĩro. Nĩ matũigĩire kĩonereria kĩega ũmũthĩ tondũ nĩ maaiyũkirie ũhoro ũrĩa mwega na njĩra ya kũiga Jehova mbere ũtũũro-inĩ wao.​—Thoma 1 Athesalonike 1:8, 9; 2:13.

Jehova nĩ amũkagĩra arĩa matiganaga na ndini ya maheeni, maingĩre thĩinĩ wa famĩlĩ ya athathaiya ake. Ũngĩtĩkĩra rĩĩtana rĩa wendo rĩa Jehova, nĩ ũgũtuĩka mũrata wake, ũingĩre thĩinĩ wa famĩlĩ njerũ ĩrĩ wendo ya athathaiya a Jehova, na ũkaaheo muoyo wa tene na tene.​—Thoma Mariko 10:29, 30; 2 Akorintho 6:17, 18.

4. Ngai akaarehe gĩkeno atĩa mabũrũri-inĩ mothe?

Ituĩro rĩrĩa rĩroka rĩa ndini ya maheeni nĩ ũhoro mwega. Ituĩro rĩu nĩ rĩkeeheria ũhinyanĩrĩria thĩinĩ wa thĩ yothe. Ndini ya maheeni ndĩgaacoka kũhĩtithia andũ na kũmagayũkania. Andũ othe magaakorũo na ũrũmwe thĩinĩ wa ũthathaiya wa Ngai ũrĩa ũmwe wa ma.​—Thoma Kũguũrĩrio 18:20, 21; 21:3, 4.