Wee Ũngiuga Atĩa Igũrũ Rĩgiĩ Bibilia?
Hihi ũngiuga nĩ . . .
ibuku rĩtungĩtwo tu nĩ andũ?
ibuku rĩa ngʼano cia gwĩtungĩra?
Kiugo kĩa Ngai?
ŨRĨA BIBILIA YUGAGA
“Rĩandĩko o rĩothe, rĩtongoretio nĩ roho wa Ngai.”—2 Timotheo 3:16, New World Translation in Kikuyu.
ŨRĨA ŨNDŨ ŨCIO ŨNGĨGŨTEITHIA
Kuona macokio ma ciũria cia bata ũtũũro-inĩ.—Thimo 2:1-5.
Ũtaaro wa kwĩhokeka wa kũhiũrania na ũtũũro.—Thaburi 119:105.
Kĩĩrĩgĩrĩro kĩa ma kĩa ihinda rĩũkĩte.—Aroma 15:4.
HIHI KŨNA NO TWĨTĨKIE ŨRĨA BIBILIA YUGAGA?
Ĩĩ, nĩ ũndũ wa itũmi itanyihĩire ithatũ:
Ũiguano wa magegania. Bibilia yaandĩkirũo na ihinda rĩa makĩria ma mĩaka 1,600 nĩ andũ ta 40. Aingĩ ao o na gũtirĩ woĩ ũrĩa ũngĩ. O na kũrĩ ũguo, Bibilia yothe nĩ ĩrĩ ũiguano, na yaragĩrĩria kĩongo kĩmwe!
Ndĩhithagĩrĩra mahĩtia. Andũ arĩa mandĩkaga maũndũ marĩa meekĩkire, kaingĩ matigwetaga kũhootwo kwa andũ ao. Mũgarũ na ũguo, andĩki a Bibilia maandĩkire matekũhithĩrĩra mahĩtia mao ene na ma rũrĩrĩ rwao.—2 Maũndũ ma Matukũ ma Tene 36:15, 16; Thaburi 51:1-4.
Ũrathi wa kwĩhokeka. Bibilia nĩ yaarathĩte kwanangwo gwa itũũra rĩa Babuloni ya tene mĩaka ta 200 mbere. (Isaia 13:17-22) Yagwetete ũrĩa itũũra rĩu rĩngĩkanangwo na nginya nũũ ũngĩgeeka ũguo!—Isaia 45:1-3.
Morathi mangĩ maingĩ ma Bibilia nĩ maahingire nginya tũmaũndũ tũrĩa tũnini. Na ũguo nĩguo tũngĩrĩgĩrĩra Kiugo kĩa Ngai gĩkorũo gĩtariĩ.—2 Petero 1:21.
TA WĨYŨRIE
Kiugo kĩa Ngai kĩngĩgũteithia atĩa ũtũũro-inĩ waku?
Bibilia nĩ ĩcokagia kĩũria kĩu thĩinĩ wa ISAIA 48:17, 18 na 2 TIMOTHEO 3:16, 17.