Nũũ Ũtongoragia Thĩ?

ŨRĨA BIBILIA YUGAGA

“Thĩ yothe ĩkoragwo rungu rwa hinya wa ũrĩa mũũru.”​—1 Johana 5:19, New World Translation in Kikuyu.

‘Mũrũ wa Ngai oonithanirio nĩgetha atharũrie wĩra wa mũcukani.’ —1 Johana 3:8, The Bible in Gikũyũ.

ŨRĨA ŨNDŨ ŨCIO ŨNGĨGŨTEITHIA

Gũtaũkĩrũo nĩkĩ kũrĩ na mathĩna maingĩ ũguo thĩinĩ wa thĩ. —Kũguũrĩrio 12:12.

Gĩtũmi gĩa gwĩtĩkia atĩ maũndũ nĩ marĩagĩra gũkũ thĩ.—1 Johana 2:17.

HIHI KŨNA NO TWĨTĨKIE ŨRĨA BIBILIA YUGAGA?

Ĩĩ, nĩ ũndũ wa itũmi itanyihĩire ithatũ:

• Wathani wa Shaitani nĩ ũgũthira.Jehova nĩ atuĩte itua rĩa kũniina wathani wa Shaitani. Nĩ oigĩte atĩ nĩ ‘akaaniina Mũcukani’ na athondeke kũrĩa guothe Shaitani anathũkia.—Ahibirania 2:14, New World Translation in Kikuyu.

• Ngai nĩ athurĩte Jesu Kristo atuĩke mũthamaki wa thĩ ĩno. Jesu nĩ ngũrani mũno na Shaitani mũtongoria wa thĩ ĩno ũtarĩ tha na mwĩyendi. Ngai eranĩire ũũ igũrũ rĩgiĩ wathani wa Jesu: “Arĩa matarĩ hinya na arĩa athĩni nĩ akaamaiguĩra tha . . . Nĩ akaamahonokia matige kũhinyĩrĩrio na gwĩkwo maũndũ ma ũhinya.” —Thaburi 72:13, 14.

• Ngai ndangĩheenania. Bibilia yugaga ũũ cararũkũ: ‘Gũtingĩhoteka Ngai aheenanie.’ (Ahibirania 6:18) Jehova angĩranĩra ũndũ, ũndũ ũcio no ta ũhingĩte! (Isaia 55:10, 11) “Mũnene wa thĩ ĩno nĩ egũikio nja.”—Johana 12:31.