RWĨMBO NA. 119
No Mũhaka Tũkorũo na Wĩtĩkio
Rĩrĩa Icabe
1. Tene Ngai nĩaragia na andũ,
kũgerera kwĩ anabii.
Rĩu aroiga ‘Andũ merire,’
akĩhũthĩra Kristo.
(KORASI)
Hihi tũrĩ na wĩtĩkio?
No mũhaka tũũkũrie.
Hihi witũ wĩ na ciĩko?
Wĩtĩkio nĩ ũgatũhonokia.
2. Twathĩkagĩra watho wa Kristo
wa kũhunjia Ũthamaki.
Tũhunjagia twĩ na ũmĩrĩru,
tũkera andũ othe.
(KORASI)
Hihi tũrĩ na wĩtĩkio?
No mũhaka tũũkũrie.
Hihi witũ wĩ na ciĩko?
Wĩtĩkio nĩ ũgatũhonokia.
3. Wĩtĩkio mũrũmu ũtũmaga,
tũtigacoke na thutha.
Twĩhoke Ngai, tũkirĩrĩrie,
ũhonokio nĩũroka.
(KORASI)
Hihi tũrĩ na wĩtĩkio?
No mũhaka tũũkũrie.
Hihi witũ wĩ na ciĩko?
Wĩtĩkio nĩ ũgatũhonokia.
(Ningĩ rora Rom. 10:10; Ef. 3:12; Ahib. 11:6; 1 Joh. 5:4.)