‘Nĩ Ngaamũcokanĩrĩria Hamwe’ Kĩĩranĩro Kĩgiĩ Gũcokio Kwa Ũthathaiya Mũtheru

Ũrũmwe wa andũ a Isiraeli nĩ waniinĩtwo nĩ ũregenyũki. Nĩ maanyarirĩkaga kuumana na moimĩrĩro ma ciĩko ciao; nĩ maathahĩtie ũthathaiya mũtheru na makahaka rĩĩtwa rĩa Ngai gĩko. Marĩ thĩna-inĩ ũcio, Jehova nĩ aatindĩkire Ezekieli kũratha morathi marũmanĩrĩire marĩa maheanaga kĩĩrĩgĩrĩro. Jehova aahũthĩrire cionereria na cioneki cia kũgucĩrĩria gwĩkĩra ngoro Aisiraeli arĩa maarĩ ithamĩrio o hamwe na andũ arĩa othe meriragĩria kuona ũthathaiya mũtheru ũcoketio.