GATHANDŨKŨ KA ŨRUTANI GA 16B
Gũcaya na Gũcakaya, Gwĩkĩra Rũũri, Kwananga—Nĩ rĩ na nĩ na Njĩra Ĩrĩkũ?
Kĩoneki kĩrĩa kĩrĩ thĩinĩ wa Ezekieli mũrango wa 9 nĩ kĩrahinga mahinda-inĩ maya maitũ. Gũtaũkĩrũo nĩ ũrĩa maũndũ makaarũmanĩrĩra no gũtũteithie gũkorũo na ũmĩrĩru twetereire mũthia wa mũtabarĩre ũyũ wa maũndũ
‘Gũcaya na gũcakaya’
NĨ RĨ: Matukũ-inĩ ma kũrigĩrĩria, mbere ya thĩna ũrĩa mũnene
NĨ NA NJĨRA ĨRĨKŨ: Andũ arĩa marĩ na ngoro njega nĩ monanagia kũgerera ciugo na ciĩko ciao atĩ nĩ mathũire waganu ũrĩa ũrĩ thĩinĩ wa thĩ. Andũ ta acio nĩ mamũkagĩra wega ndũmĩrĩri ĩrĩa ĩrahunjio, magathiĩ na mbere kwĩhumba ũmũndũ ta wa Kristo, makabatithio nĩguo monanie wĩyamũrĩri wao harĩ Jehova, na makanyita mbaru ariũ a Ithe na Kristo marĩ ehokeku
‘Gwĩkĩra Rũũri’
NĨ RĨ: Hĩndĩ ya thĩna ũrĩa mũnene
NĨ NA NJĨRA ĨRĨKŨ: Mũndũ ũcio warĩ na rũhĩa rwa mwandĩki rwa gwĩkĩra rangi arũgamĩrĩire Jesu Kristo rĩrĩa agooka arĩ Mũtuanĩri Ciira wa ndũrĩrĩ ciothe. Arĩa a kĩrĩndĩ kĩnene nĩ magaatuĩrũo, kana mekĩrũo rũũri, atĩ o nĩ ngʼondu, ũndũ ũrĩa ũkoonania atĩ nĩ makaahonoka Hari–Magedoni.
“Kwananga”
NĨ RĨ: Hĩndĩ ya Hari–Magedoni
NĨ NA NJĨRA ĨRĨKŨ: Jesu Kristo hamwe na mbũtũ ciake cia igũrũ, araika na arĩa 144,000 magaathana hamwe nake, nĩ makaananga biũ thĩ ĩno njũru na mahonokie athathaiya a ma mamaingĩrie thĩinĩ wa thĩ njerũ ĩrĩ na ũthingu