GATHANDŨKŨ KA ŨRUTANI GA 21A
“Gĩcigo Kĩrĩa Mũkaamũra Kĩrĩ Mũhothi”
Reke tũtwarane na Ezekieli agĩtaarĩria gĩcigo kĩa bũrũri kĩrĩa Jehova aamũrire. Kĩrĩ na icunjĩ ithano. Icunjĩ icio nĩ irĩkũ? Na nĩ cia wĩra ũrĩkũ?
“Mũhothi”
Nĩ kĩa maũndũ ma thirikari na no gĩtwo “gĩcigo kĩa ũrũgamĩrĩri.”
‘Gĩcigo Gĩothe kĩa Mũhothi’
Kĩamũrĩtwo nĩ ũndũ wa athĩnjĩri-Ngai, Alawii, na itũũra. Ningĩ, andũ a mĩhĩrĩga yothe 12 nĩ matonyaga thĩinĩ wa gĩcigo gĩkĩ gũthathaiya Jehova na gũteithĩrĩria mũbango wa ũrũgamĩrĩri.
“Gĩcigo kĩa Mũtongoria”
“Gĩcigo kĩu nĩkĩo gĩgaatuĩka igai rĩake thĩinĩ wa Isiraeli.” “Gĩgaatuĩka kĩa mũtongoria.”
“Mũhothi Mwamũre”
Gĩcunjĩ gĩkĩ ningĩ nĩ gĩtĩtwo “gĩcigo kĩamũre.” Gĩcunjĩ kĩa igũrũ nĩ “kĩa Alawii.” Nĩ “kĩndũ gĩtheru.” Gĩcunjĩ gĩa gatagatĩ nĩ “mũhothi mwamũre wa athĩnjĩri-Ngai.” Nĩkuo ‘nyũmba ciao irĩkoragwo na nĩ kũndũ gũtheru nĩ ũndũ wa hekarũ.’
“Gĩcigo Kĩrĩa Gĩgaatigara”
“Gĩgaakorũo kĩrĩ kĩa nyũmba yothe ya Isiraeli” na “gĩkaahũthĩrũo na maũndũ ma itũũra, gĩtuĩke gĩa gwakwo nyũmba na kũndũ gwa kũrĩithia.”