Gũcokera Gĩcunjĩ kĩa 1

Nĩ ũndũ ũrĩkũ ũgũkenagia wĩgiĩ ciĩranĩro cia Bibilia ciĩgiĩ ihinda rĩũkĩte?

Nĩ kĩĩ gĩtũmaga wĩtĩkie atĩ Bibilia nĩ Kiugo kĩa Ngai?

Twagĩrĩirũo kũhũthagĩra rĩĩtwa rĩa Jehova nĩkĩ?

Bibilia yugaga atĩ Ngai “nĩwe kĩhumo kĩa muoyo.” (Thaburi 36:9) Hihi wee nĩ wĩtĩkĩtie ũguo?

Thomai Thimo 3:32.

• Nĩ kĩĩ gĩtũmaga Jehova akorũo arĩ we Mũrata ũrĩa mwega biũ tũngĩgĩa nake?

• Jehova erĩgagĩrĩra arata ake meke atĩa? Hihi nĩ ũkuona ta akoragwo na itũmi njega cia kwĩrĩgĩrĩra meke ũguo?

  (Rora Ithomo rĩa 07 na rĩa 08.)

Thomai Thaburi 62:8.

• Nĩ maũndũ ta marĩkũ wanahoya Jehova igũrũ rĩamo? Nĩ maũndũ marĩkũ mangĩ ũngĩhoya igũrũ rĩamo?

• Jehova acokagia mahoya maitũ atĩa?

  (Rora Ithomo rĩa 09.)

Thomai Ahibirania 10:24, 25.

• Ũngĩgunĩka atĩa kuumana na mĩcemanio ya Aira a Jehova?

• Nĩ ũkuona ta ũngĩteithĩka ũngĩĩrutanĩria gũthiaga mĩcemanio?

  (Rora Ithomo rĩa 10.)

Twagĩrĩirũo gũthomaga Bibilia tũtegũtĩrĩria nĩkĩ? Ũkoragwo na mũtaratara ũrĩkũ wa gũthoma Bibilia o mũthenya?

Nĩ ũndũ ũrĩkũ ũkeneire mũno wĩgiĩ kwĩruta Bibilia?

Nĩ moritũ marĩkũ ũcemanĩtie namo kuuma wambĩrĩria kwĩruta Bibilia? Nĩ kĩĩ kĩngĩgũteithia gũthiĩ na mbere kwĩruta?