RWĨMBO NA. 152
Handũ Harĩkũgoocithagia
(1 Athamaki 8:27; 1 Maũndũ ma Matukũ ma Tene 29:14)
1. Jehova Mũũmbi wa igũrũ,
O we Ngai mũtũũgĩru,
Nĩũtũkinyĩirie roho waku,
Nĩ gĩtĩo kĩnene ma.
Handũ haha ha ũthathaiya,
Nĩ hakũgoocithie Baba.
Tũgũtungata na ũrũmwe,
Ũcio nĩguo wendi waku.
(KĨBUNGO)
Nĩwe ũtũheete
Kĩrĩa gĩothe twĩ nakĩo.
Wee nĩwe ũtũheete
Kĩrĩa tũrutĩte.
(KORASI)
Tũrakũinĩra rwĩmbo rũrũ;
Tũgĩgũcokeria ngatho.
Nĩ kũhingia matanya maitũ
Ũgatũhe handũ haha.
2. Jehova Ngai nĩũtũheete
Handũ ha gũkũgoocithia
Na ha gũteithia andũ aku,
Kũrũmagia njĩra ciaku.
Nyũmba ĩno nĩ ʼgũkenagie.
Nĩ ʼhingie muoroto waku,
Tũthiĩ na mbere gũtwarithia
Wĩra ũrĩa twatigĩirũo.
(KĨBUNGO)
Nĩ twakũrutĩra
Kĩrĩa kĩega twĩ nakĩo,
Tondũ nĩwe mũheani
Wa indo ciothe.
(KORASI)
Tũrakũinĩra rwĩmbo rũrũ;
Tũgĩgũcokeria ngatho.
Nĩ kũhingia matanya maitũ
Ũgatũhe handũ haha.