KWAMBĨRĨRIA NDEERETI
ITHOMO RĨA 4
Wĩnyihia
Ũtaaro: “Mũrĩ na wĩnyihia onagai arĩa angĩ marĩ a bata kũmũkĩra.”—Afil. 2:3.
Ũrĩa Paulo Eekire
1. Wĩrorere VIDEO ĩno, kana ũthome Atũmwo 26:2, 3. Ũcoke ũcokie ciũria ici:
Paulo oonanirie wĩnyihia atĩa rĩrĩa aaragia na Mũthamaki Agiripa?
Paulo eerekeirie meciria ma andũ atĩa kũrĩ Jehova na Maandĩko-inĩ, handũ ha kwĩyerekeria we mwene?—Rora Atũmwo 26:22.
Tũreruta Atĩa na Paulo?
2. Ndũmĩrĩri itũ no ĩgucĩrĩrie andũ makĩria, tũngĩaria tũrĩ na wĩnyihia na gĩtĩo.
Wĩgerekanie na Paulo
3. Aria na njĩra ya gĩtĩo. Wĩtheme kwaria na njĩra ĩronania ta ũĩ maũndũ mothe na mũndũ ũcio ũngĩ gũtirĩ ũndũ oĩ. Arĩria mũndũ na njĩra ya gĩtĩo.
4. Tigĩrĩra nĩ wonania atĩ maũndũ marĩa ũrarutana maumĩte Bibilia-inĩ. Maũndũ marĩa marĩ Kiugo-inĩ kĩa Ngai marĩ na ũhoti wa kũhutia ngoro cia andũ. Rĩrĩa twakĩhũthĩra, twakaga wĩtĩkio wao mũthingi-inĩ ũrĩa wagĩrĩire.
5. Wĩrutanĩrie kũhoorera. Ndũkanyitĩrĩre mawoni maku ũkĩenda kuonania atĩ wee nĩwe ũrauga ũrĩa kũrĩ. Tũtiendaga gũkararania na andũ. Onania wĩnyihia na njĩra ya gũikara ũhooreire na kũmenya rĩrĩa wagĩrĩirũo kwehera. (Thim. 17:14; Tit. 3:2) Kwarĩria mũndũ tũhooreire no gũtũme akenda gũtũthikĩrĩria hĩndĩ ĩngĩ.