Ũmĩrĩru

Ũrĩa Jesu Eekire

VIDEO: Jesu Gũtaara Mwanake Mũtongu Warĩ Mũtongoria

1. Wĩrorere VIDEO ĩno, kana ũthome Mariko 10:​17-22. Ũcoke ũcokie ciũria ici:

1. Nĩ ngumo irĩkũ njega Jesu angĩkorũo oonire harĩ mwanake ũcio warĩ mũtongoria?

2. Jesu aabataraga wendo na ũmĩrĩru nĩkĩ nĩguo ahote kũhe mwanake ũcio ũtaaro?

Tũreruta Atĩa na Jesu?

2. Tũrabatara kwarĩria arutwo aitũ twĩ na wendo na tũmeere tũtekũhithĩrĩra ũrĩa magĩrĩirũo gwĩka nĩguo makũre kĩĩroho.

Wĩgerekanie na Jesu

3. Teithia mũrutwo kwĩigĩra mĩoroto na kũmĩkinyĩra.

1. Hũthĩra gacunjĩ ka “Geria gwĩka ũũ” harĩ o ithomo ibuku-inĩ rĩa Kenera Ũtũũro Tene na Tene!

2. Teithia mũrutwo waku kũmenya nĩ makinya marĩkũ arabatara kuoya nĩguo akinyĩre mĩoroto yake ya ihinda inini na ya ihinda iraihu.

3. Gaathagĩrĩria mũrutwo waku kaingĩ nĩ ũndũ wa ũrĩa arakũra kĩĩroho.

4. Geria kũmenya nĩ mĩhĩnga ĩrĩkũ ĩragiria mũrutwo waku akũre kĩĩroho, na ũmũteithie kũhiũrania nayo.

1. Wĩyũrie:

   • ‘Angĩkorũo mũrutwo wakwa ndaroya makinya marĩa marabatarania nĩguo akinyĩrĩre kũbatithio-rĩ, nĩ kĩĩ kĩramũgirĩrĩria?’

   • ‘Nĩ atĩa ingĩka nĩguo ndĩmũteithie?’

2. Hoya Jehova akũhe ũmĩrĩru wa kwĩra mũrutwo waku ũtekũhithĩrĩra ũrĩa arabatara gwĩka, na ũmwarĩrie na njĩra ya wendo.

5. Tiga kwĩruta na arutwo matarakũra kĩĩroho.

1. Wĩyũrie ciũria ici nĩguo ũmenye kana mũrutwo waku nĩ arakũra kĩĩroho:

   • ‘Hihi mũrutwo wakwa nĩ arahũthĩra maũndũ marĩa areruta?’

   • ‘Nĩ okaga mĩcemanio ya kĩũngano na akera andũ arĩa angĩ maũndũ marĩa areruta?’

   • ‘Thutha wa kwĩruta kwa ihinda-rĩ, hihi nĩ arenda gũtuĩka Mũira wa Jehova?’

2. Angĩkorũo mũrutwo wa Bibilia ndehaarĩirie gwĩka mogarũrũku:

   • Mwĩre athuthurie nĩ maũndũ marĩkũ maragiria eke mogarũrũku.

   • Mũtaarĩrie na njĩra ya gĩtĩo kĩrĩa kĩratũma ũtige kwĩruta nake.

   • Mwĩre maũndũ marĩa arabatara kũrutĩra wĩra angĩkorũo no ende kwĩruta Bibilia rĩngĩ.