Indo ciothe cia mbaara nĩ ikaaniinwo
Bibilia Yugaga Atĩa?
Hihi kũrĩ hĩndĩ gũkaagĩa thayũ thĩinĩ wa thĩ?
Hihi ũngiuga atĩa?
Ĩĩ
Aca
No gũkorũo
Ũrĩa Bibilia yugaga
Rungu rwa wathani wa Jesu Kristo, gũgatũũraga “thayũ mũingĩ, nginya o hingo mweri ũkarindũka,” ũguo nĩ kuuga tene na tene.—Thaburi 72:7.
Nĩ atĩa ũngĩ tũngĩĩruta kuuma Bibilia-inĩ?
Andũ aganu nĩ makeherio thĩinĩ wa thĩ nĩgetha andũ ega “matũũre mekenagĩra tondũ wa kũingĩhĩrũo nĩ thayũ.”—Thaburi 37:10, 11.
Ngai nĩ akaanina mbaara ciothe.—Thaburi 46:8, 9.
Hihi ũmũthĩ no tũkorũo na thayũ wa ma wa meciria?
Andũ amwe metĩkĩtie . . . atĩ thayũ wa ma wa meciria ndũngĩoneka nĩ ũndũ thĩ ĩiyũirũo nĩ mĩnyamaro na wagi wa kĩhooto. Ũgwĩciria atĩa?
Ũrĩa Bibilia yugaga
O na ũmũthĩ, arĩa marĩ ũrata na Ngai no magĩe na “thayũ wa Ngai, ũrĩa ũtangĩmenyeka ũrĩa ũtariĩ.”—Afilipi 4:6, 7.
Nĩ atĩa ũngĩ tũngĩĩruta kuuma Bibilia-inĩ?
Ngai nĩ eranĩire atĩ nĩ akeheria mĩnyamaro na wagi wa kĩhooto, tondũ ‘maũndũ mothe nĩ kũmerũhia akamerũhia.’—Kũguũrĩrio 21:4, 5.
No tũgĩe na thayũ wa ngoro tũngĩrũmbũiya “mabataro [maitũ] ma kĩĩroho.”—Mathayo 5:3.