Ũhoro wa Kwambĩrĩria

HIHI NGAI NĨ AGWĨCIRAGIA?

Rĩrĩa kwagĩa na gĩcanjama kana andũ manyamarĩka na makua no twĩyũrie kana Ngai nĩ onaga kana agatindanĩra na maũndũ macio. Bibilia yugaga ũũ:

“Nĩ gũkorũo maitho ma Jehova nĩ maroraga arĩa athingu, namo matũ make nĩ mathikagĩrĩria mathaithana mao, ĩndĩ ũthiũ wa Jehova nĩ ũhũgũkagĩra arĩa mekaga maũndũ moru.”—1 Petero 3:12.

Ngathĩti ĩno ya Mũrangĩri nĩ ĩronania ũrĩa Ngai atũteithagia na ĩkonania maũndũ marĩa areka nĩguo akaaniina mĩnyamaro yothe.