Ithandũkũ rĩa Kĩũria

◼ Twagĩrĩirũo kwĩruta ihinda rĩigana atĩa na mũrutwo ũrathiĩ na mbere kĩĩroho?

Nĩ wega gũthiĩ na mbere kwĩruta na mũrutwo ũrathiĩ na mbere kĩĩroho nginya arĩkie mabuku merĩ—Bibilia Ĩrutanaga Atĩa Kũna? na ‘Mwĩigei Wendo-inĩ wa Ngai.’ Mwagĩrĩirũo gwĩka ũguo o na mũrutwo angĩbatithio atarĩkĩtie mabuku macio merĩ. O na thutha wake kũbatithio no tũthiĩ na mbere gũtara ihinda rĩrĩa tũkũhũthĩra tũkĩĩruta nake, maita marĩa twamũcokera, na tũmũtare arĩ ũmwe wa arutwo aitũ a Bibilia. Mũhunjia ũngĩ angĩtũtwara gũthoma na mũrutwo ũcio na anyite itemi harĩ gũthomithia, o nake no atare ihinda rĩrĩa mwahũthĩra.—Rora Huduma Yetu ya Ufalme ya Machi 2009, karatathi ga 2.

Nĩ ũndũ wa bata harĩ andũ arĩa mareruta Bibilia kũgĩa na mũthingi mũrũmu tũtanatiga kwĩruta nao. Magĩrĩire gũkorũo ‘mehandĩte’ thĩinĩ wa Kristo na ‘marũmĩtie ũhoro ũrĩa metĩkĩtie’ nĩguo mahote gwĩtiria magerio marĩa megũtũngana namo. (Kol. 2:6, 7; 2 Tim. 3:12; 1 Pet. 5:8, 9) Ningĩ-rĩ, nĩguo mahote kũruta andũ arĩa angĩ na njĩra ĩrĩa yagĩrĩire, no mũhaka “matuĩke a kũmenya ũhoro-wa-ma.” (1 Tim. 2:4) Na njĩra ya kũrĩkia mabuku merĩ na arutwo aitũ, tũramateithia mehande wega njĩra-inĩ “ĩrĩa ĩkinyaga kũrĩa kwĩ muoyo.”—Mat. 7:14.

Mũndũ atanabatithio, athuri a kĩũngano magĩrĩirũo gũtigĩrĩra atĩ nĩ amenyete wega ũrutani wa mũthingi wa Bibilia na nĩ aratũũra kũringana na ũrutani ũcio. Athuri mabatiĩ kũmenyerera o na makĩria igũrũ rĩa mũrutwo ũrenda kũbatithio atarĩkĩtie ibuku rĩa mbere rĩa kwĩruta Bibilia. Angĩkorũo mũrutwo ndaraagĩrĩra kũbatithio, athuri a kĩũngano nĩ megũtigĩrĩra atĩ nĩ aheo ũteithio ũrĩa arabatara nĩguo agĩrĩre kũbatithio ihinda rĩũkĩte.—Rora Tengenezo Linalofanya Mapenzi ya Yehova, karatathi ka 217-218.

Nĩ ũndũ wa bata harĩ andũ arĩa mareruta Bibilia kũgĩa na mũthingi mũrũmu thĩinĩ wa ma