Ithandũkũ rĩa Kĩũria

◼ Nĩ twagĩrĩirũo kũhoya na andũ arĩa tũreruta nao Bibilia mũrango-inĩ?

Nĩ kũrĩ ũguni mũingĩ wa kwambĩrĩria na kũhinga na mahoya rĩrĩa tũreruta na mũrutwo wa Bibilia. Na njĩra ya mahoya, tũũragia Jehova atũhe roho wake rĩrĩa tũreruta na mũrutwo wa Bibilia. (Luka 11:13) Ningĩ mahoya nĩ matĩtĩrithagia harĩ mũrutwo ũritũ wa kwĩruta Bibilia na gũkamũruta ũrĩa agĩrĩirũo nĩ kũhoya. (Luka 6:40) Kwoguo-rĩ, nĩ wega kwambĩrĩria kũhoya hingo ya wĩruti wanyu nake na ihenya o ũrĩa kwahoteka. O na kũrĩ ũguo-rĩ, nĩ ũndũ wa maũndũ matiganĩte, ũrĩa ũratongoria nĩ arabatara kũhũthĩra ũũgĩ nĩguo amenye kana nĩ wega kũhoya na mũndũ ũrerutĩra Bibilia mũrango-inĩ.

Ũndũ ũmwe wa bata gwĩciria nĩ gĩikaro kĩrĩa mũrerutĩra Bibilia. Angĩkorũo nĩ handũ hehithĩte na mũthomaga kaingĩ, na njĩra ya ũũgĩ no mwambĩrĩrie na mũhinge na mahoya makuhĩ. No rĩrĩ, angĩkorũo gwĩka ũguo nĩ gũgũtũma andũ mamwĩrorere kana hihi mũrutwo aigue ataiganĩire, no gũkorũo arĩ wega gweterera nginya rĩrĩa mũrĩkorũo gĩikaro kĩrĩa kĩagĩrĩire gĩa gwĩka ũguo. Gũtekũmakania kũrĩa tũrerutĩra Bibilia, twagĩrĩirũo kũhũthĩra ũũgĩ nĩguo tũmenye ihinda rĩrĩa rĩagĩrĩire rĩa kwambĩrĩria kũhoya na mũrutwo.— Rora Huduma Yetu ya Ufalme ya Machi 2005, karatathi ga 4.