Njĩra Njega ya Gũkenera Nyĩmbo cia Ũthamaki

Ndungata cia Ngai cionaga nyĩmbo irĩ kĩheo kĩega kuuma kwĩ Jehova. (Jak. 1:17) Ciũngano nyingĩ nĩ ikenagĩra kũhũra nyĩmbo cia Ũthamaki na kamũgambo kanini mbere na thutha wa mĩcemanio yao ya kĩũngano. Kũhũra nyĩmbo cia gĩtheokrasi nĩ njĩra njega ya gũtũhooreria ngoro na gũtũnyita ũgeni mĩcemanio-inĩ. Nĩ gũtũteithagia kwĩhaarĩria kĩĩmeciria nĩ ũndũ wa ũthathaiya. Ningĩ-rĩ, kũhũra nyĩmbo njerũ iria irĩ ibuku-inĩ riitũ rĩa nyĩmbo nĩ gũtũteithagia tũmenye mĩgambo yacio o na gũciina ũrĩa kwagĩrĩire. Nyĩmbo icio ingĩhũrũo nĩ itũcanjamũraga rĩrĩa tũrakenera kwaranĩria na gwĩkĩrana ngoro thutha wa mĩcemanio. Kwoguo ciama cia athuri nĩ ciagĩrĩirũo kũhaarĩria mũbango wa kũhũraga nyĩmbo cia Mwimbieni Yehova—Muziki wa Piano mbere na thutha wa mĩcemanio. Magĩrĩirũo gũtigĩrĩra atĩ mũgambo ũrĩa ũrahũthĩrũo ndũratũma andũ maremwo nĩ kũiguana rĩrĩa marateereta.