Hihi nĩ Wĩhaarĩirie Ũrĩa Ũngĩka Ũngĩbatara Ũrigitani wa Hi-na-hi?

Ũndũ ũrabatara ũrigitani no umĩre hĩndĩ o yothe ũterĩgĩrĩire. (Jak. 4:14) Kwoguo-rĩ, mũndũ mũũgĩ aikaraga ehaarĩirie o ũrĩa kũngĩhoteka. (Thim. 22:3) Hihi nĩ ũthuurĩte mĩthemba na njĩra cia ũrigitani iria wee ũngĩtĩkĩra, na ũkaandĩka itua rĩaku? Nĩguo ũhote gwĩka ũguo, video ya Transfusion-Alternative Health Care—Meeting Patient Needs and Rights, gĩcunjĩ gĩa kerĩ kĩrĩa kĩrĩ thĩinĩ wa DVD ĩrĩ na kĩongo Transfusion-Alternatives—Documentary Series, nĩ yumĩte. Ũkĩmĩĩrorera, rora kana no ũhote gũcokia ciũria iria cionanĩtio haha kĩanda. Tondũ video ĩyo ĩrĩ kũndũ kũnini ĩronania andũ magĩthĩnjwo, aciari magĩrĩirũo kũhũthĩra ũũgĩ makĩmĩĩrorera na ciana ciao iria nini. Angĩkorũo mũtirĩ na video icio, arĩrĩriai “Maswali Kutoka kwa Wasomaji” thĩinĩ wa riuma rĩa Juni 15, 2004 na Oktoba 15, 2000 rĩa Mnara wa Mlinzi kana ũhoro ũrĩa ũrĩ karatathi-inĩ ga thĩinĩ ka Huduma Yetu ya Ufalme wa Novemba 2006

(1) Nĩ kĩĩ gĩtũmĩte arigitani amwe magarũre meciria ũhoro-inĩ wĩgiĩ gwĩkĩra thakame mĩkiha-inĩ? (2) Heana ngerekano ithatũ cia ũrigitani ũbataraga ũthĩnjani mũritũ ũrĩa wĩkĩtwo hatarĩ gwĩkĩrũo thakame. (3) Makiri maingĩ ma arigitani na mandagĩtarĩ a gũthĩnjana thĩinĩ wa thĩ maretĩkĩra gũthondeka arwaru matekũhũthĩra thakame nĩkĩ? (4) Ũthuthuria wa thibitarĩ wa ica ikuhĩ ũguũrĩtie maũndũ marĩkũ megiĩ ũhũthĩri wa thakame? (5) Nĩ mogwati marĩkũ moimanaga na gwĩkĩrũo thakame mĩkiha-inĩ? (6) Arigitani aingĩ makinyĩrĩirũo nĩ gũtua itua rĩrĩkũ igũrũ rĩgiĩ ũguni wa ũrigitani ũtarahũthĩra thakame? (7) Nĩ kĩĩ gĩtũmaga thakame ĩnyihe thĩinĩ wa mwĩrĩ, na nĩ ũndũ ũrĩkũ ũngĩkwo kũmĩcokia? (8) Mwĩrĩ wa mũrũaru ũngĩkwo atĩa nĩguo tũhengereta tũtune (red-cells) tuongerereke? (9) Nĩ njĩra irĩkũ irahũthĩrũo kũnyihia thakame ĩrĩa ĩraitĩka rĩrĩa mũndũ arathĩnjwo? (10) Hihi ũrigitani ũtarahũthĩra thakame no wagĩrĩre ciana nini kana arĩa muoyo wao ũrĩ ũgwati-inĩ mũnene? (11) Ũndũ ũmwe wa mũthingi mwĩtĩkĩrĩku harĩ ũrigitani mwega nĩ ũrĩkũ?

Tondũ gwĩtĩkĩra ũrigitani ũmwe wonanĩtio thĩinĩ wa video ĩyo nĩ itua rĩa thamiri-rĩ, ndũgeterere nginya ũcemanie na ũndũ ũrabatara ũrigitani wa hi-na-hi nĩguo ũtue ũndũ ũrĩa ũngĩtĩkĩra na ũrĩa ũtangĩtĩkĩra. Gĩcunjĩ kĩa 7 kĩa ibuku rĩa ‘Wendo wa Ngai’ na icunjĩ iria cionanĩtio hamwe na karatathi ga thĩinĩ ka Huduma Yetu ya Ufalme ya Novemba 2006 nĩ igũgũteithia gũtua itua rĩa ũũgĩ. Ũcoke waandĩke itua rĩaku kadi-inĩ ya DPA angĩkorũo ũrĩ mũbatithie, na ũkuage kadi ĩyo hĩndĩ ciothe.

[Mbica karatathi-inĩ ka 3]

Hihi nĩ ũthuurĩte mĩthemba na njĩra cia ũrigitani iria wee ũngĩtĩkĩra na ũgaciandĩka?