Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Mweri wa Februarĩ

“Andũ arĩa twaragia nao makoragwo na mawoni matiganĩte megiĩ Bibilia. Amwe metĩkĩtie atĩ nĩ Kiugo kĩa Ngai, na angĩ monaga ta arĩ o ibuku ta marĩa mangĩ. Wee wonaga Bibilia atĩa?” Eterera acokie. Muonie ngathĩti ya Mũrangĩri ya Februarĩ 1 mwena wa thutha, na mwarĩrĩrie ũhoro ũrĩa ũrĩ rungu rwa kĩũria kĩa mbere na mũthome rĩandĩko rĩmwe rĩa marĩa monanĩtio. Mũhe ngathĩti na ũbange gũcoka nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Februarĩ 1

“Andũ aingĩ no mende mũno kuona mbaara ithirĩte. Nĩ ũrona ta kũrĩ hĩndĩ gũkagĩa na thayũ thĩinĩ wa thĩ? [Eterera acokie.] Ta rora wone ũrĩa Maandĩko matwĩragĩra. [Thoma Thaburi 46:9.] Maũndũ marĩa meekĩkire hĩndĩ ya Mbaara ya Mbere ya Thĩ na thutha ũcio nĩ matũmaga tũgĩe na ũũma atĩ ica ikuhĩ Ngai nĩ ekũhingia ũrathi ũyũ na anine mbaara kaimana. Ngathĩti ĩno nĩ ĩtaarĩirie ũhoro ũcio.”

Awake! Februarĩ

“Tũragũceerera o kahinda kanini nĩguo twarĩrĩrie thĩna ũmwe tũkoragwo naguo ithuothe. Kũroneka ta gũtarĩ hĩndĩ tũkoragwo na mahinda ma kũigana kũhingia maũndũ mothe. Ũreciria tũremagwo nĩ kũmahingia nĩ ũndũ wa gũkorũo na maũndũ maingĩ mũno kana nĩ tondũ wa kũhũthĩra mahinda maitũ maingĩ ũũru? [Eterera acokie.] Aingĩ matimenyaga atĩ Bibilia nĩ ĩkoragwo na motaaro mangĩtũteithia kũbanga mahinda wega. Reke tuone ngerekano ĩmwe. [Thoma Afilipi 1:10a] Ngathĩti ĩno ĩronania maũndũ mana tũngĩka marĩa manateithia andũ aingĩ kũhũthĩra mahinda na njĩra ya ũũgĩ.”