Ũrĩa Ũngiuga

Tũngĩruta Kũ Macokio ma Ciũria Iria Nditũ Ũtũũro-inĩ?

Nengera mwene nyũmba trakti ĩyo ũndũ ekuona kĩongo kĩayo na uuge: “Wĩ mwega. Tũrĩ na kambĩini ya thĩ yothe ya kũheana ndũmĩrĩri ĩno ya bata mũno. Gaka nĩ gaku.”

Angĩkorũo nĩ ũgũtiga trakti ĩyo nyũmba iria itarĩ andũ, mĩtige handũ ĩtekuoneka nĩ ahĩtũki, na ndũkamĩkũnjakũnje.

Mwene nyũmba angĩonania atĩ no ende kwarangia, no ũmũũrie mawoni make megiĩ kĩũria kĩrĩa kĩrĩ mwena wa mbere wa trakti ĩyo. Humbũria trakti ĩyo, na ũmuonie ũrĩa rĩandĩko rĩa Thaburi 119:144, 160 riugĩte. Mũtaarĩrie atĩ trakti ĩyo nĩ ĩheanĩte ũhoro wa Rĩarĩro rĩngĩmũteithia kuona macokio ma Bibilia megiĩ ciũria iria eyũragia. No ũmuonie ũrĩa angĩka ũguo na njĩra ya kũmũthaakĩra video ya Wagĩrĩirũo Kwĩruta Bibilia Nĩkĩ? Ũtanamũtiga, muonie ciũria ithatũ iria irĩ thutha wa trakti ĩyo na ũmũũrie nĩ kĩrĩkũ angĩenda mũno gũcokerio. Banga gũcoka hĩndĩ ĩngĩ nĩguo ũmuonie ũrĩa angĩhota kuona macokio ma kĩũria kĩu thĩinĩ wa jw.org/sw. Wacoka, arĩrĩria macokio ma kĩũria kĩu rungu rwa MAFUNDISHO YA BIBLIA > MAJIBU YA MASWALI YA BIBLIA.

Angĩkorũo mũgakorũo o mũkĩheana tũratathi twa gwĩta andũ kĩgomano-inĩ, nengera mwene nyũmba trakti ĩyo hamwe na karatathi kau, ũcoke uuge ũũ: “Makĩria ma ũguo nĩ tũragwĩta ũgoka gĩthomo-inĩ kĩnene kĩrĩa ũtakarĩhio kũingĩra.”

Mũrangĩri Agosti 1

Mĩthia-inĩ ya kiumia, ũngĩona kwagĩrĩire, no uuge ũũ ũkĩenda kũheana ngathĩti ya Mũrangĩri: “Ningĩ no twende gũgũtigĩra ngathĩti citũ cia ica ikuhĩ. Ngathĩti ĩno ya Mũrangĩri nĩ ĩcoketie kĩũria gĩkĩ: Hihi Ngai nĩ agwĩciragia?”

Amkeni! Agosti

Mĩthia-inĩ ya kiumia, ũngĩona kwagĩrĩire, no uuge ũũ ũkĩenda kũheana ngathĩti ya Amkeni! ya Agosti: “Ningĩ no twende gũgũtigĩra ngathĩti citũ cia ica ikuhĩ. Ngathĩti ĩno ya Amkeni! nĩ yarĩrĩirie ũrĩa andũ mangĩhota gũcokia thayũ.”