Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Dicemba

“Ũmũthĩ tũraceerera andũ othe tũkĩenda kwaranĩria nao maũndũ megiĩ famĩlĩ. Aciari aingĩ nĩ mendaga ciana ciao ciende Ngai. Hihi ũgwĩciria nĩo magĩrĩirũo kũruta ciana ciao kwenda Ngai-ĩ, kana ciagĩrĩirũo kwĩruta cio nyene?” Eterera acokie. Muonie kĩũria kĩa mbere kĩrĩa kĩrĩ na thutha wa ngathĩti ya Mũrangĩri ya Dicemba 1, na mwarĩrĩrie ũhoro ũrĩa ũrĩ rungu rwa kĩũria kĩu, mũcoke mũthome na arĩ rĩandĩko rĩmwe rĩa marĩa monanĩtio. Mũhe ngathĩti cierĩ na ũbange kũmũcokera nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Dicemba 1

“Tũramũceerera o ndagĩka nini tũkĩaria na andũ ũhoro wa Ngai. Nĩ tũĩ atĩ o mũndũ nĩ arĩ mawoni make megiĩ Ngai. We ũgwĩciria atĩa, andũ mamuonaga ta o kĩhinya tu gĩtarĩ na ũmũndũ-ĩ, kana ta mũrata ũmarũmbũyagia o mũndũ kĩũmbe? [Eterera acokie.] Rĩandĩko rĩrĩ rĩa Bibilia nĩ rĩtuonagia ũkuruhanu ũrĩa Ngai endaga tũkorũo naguo nake. [Thoma Jakubu 4:8a.] Ngathĩti ĩno nĩ ĩtaarĩirie maũndũ matatũ tũngĩka nĩguo twĩigue tũkuhĩrĩirie Ngai.”

Amkeni! Dicemba

“Tũramũceerera o ndagĩka nini tũkĩarĩrĩria mũrimũ ũgiaga andũ mũno. Kũringana na Kĩama kĩa Ũgima wa Mwĩrĩ gĩa Thĩ (WHO), o harĩ andũ ana, ũmwe nĩ arĩnyitwo nĩ mũrimũ wa meciria. Hihi nĩ ũrona ta mĩrimũ ya meciria ĩrathiĩ yongererekete? [Eterera acokie.] Bibilia nĩ ĩtũheaga mwĩhoko wa mahinda mokĩte, rĩrĩa tũgatũũra thĩinĩ wa thĩ ĩtarĩ mĩrimũ na ruo. [Thoma Kũguũrĩrio 21:​3, 4.] Ngathĩti ĩno nĩ ĩtaarĩirie maũndũ maigana ũna marĩa o mũndũ agĩrĩirũo kũmenya igũrũ rĩgiĩ mĩrimũ ya meciria.”