Heana “Maũndũ Mega” na Njĩra ya Kũnyitana Ũgeni (Mat. 12:35a)

Hatarĩ nganja, ithuothe no twende kũhe andũ “maũndũ mega” na njĩra ya ‘gũtũũra tũgwatanaga kana kũnyitana ũgeni.’ (Rom. 12:13) Athuri a kĩũngano makoragwo marĩ mũhari-inĩ wa mbere kũbanga ũrĩa ariũ a Ithe witũ arĩa moka kũruta mĩario megũtugwo na marĩhĩrwo tigiti. O na kũrĩ ũguo, no twĩkore tũkĩaga kuonania ngumo ya ũnyitani ũgeni nĩ ũndũ wa kũnyihĩrũo nĩ mbeca kana kũigua tũgĩĩtigĩra kũnyĩta andũ arĩa angĩ ũgeni mĩciĩ-inĩ iitũ. Gwĩcũrania igũrũ rĩgiĩ ũtaaro ũrĩa Jesu aaheire Maritha no gũtũteithie kũregana na muonere ta ũcio wa maũndũ. (Luk. 10:39-42) Aatĩtĩrithirie atĩ “rũĩga rũrĩa rũega” rũa ũnyitani ũgeni nĩ gũkorũo hamwe na aarĩ na ariũ a Ithe witũ, no ti gũkorũo na indo nyingĩ cia goro na mũciĩ mũgemie. Tũngĩhũthĩra ũtaaro ũyũ nĩ tũkũhota kũnyitanĩra “maũndũ mega” hamwe na aarĩ na ariũ a Ithe witũ o ta ũrĩa Kiugo kĩa Ngai gĩtwĩraga.—3 Joh. 5-8.