Ĩkĩranagai Hinya Mũrĩ na Kĩyo Nĩguo Mwĩkage Ciĩko Njega

Rĩandĩko rĩa Ahibirania 10:24 rĩtwĩkĩraga ngoro ‘twarahũranage o mũndũ na ũrĩa ũngĩ, nĩ getha twendanage, na twĩkage ciĩko njega.’ No twĩkĩre aarĩ na ariũ a Ithe witũ hinya na njĩra ya kũiga kĩonereria kĩega na kwaria ũhoro wa wĩtĩkio witũ. Aragia na andũ arĩa angĩ thĩinĩ wa kĩũngano ũhoro wa maũndũ mega marĩa wĩyoneire. Reke meyonere atĩ nĩ ũkoragwo na gĩkeno ũtungata-inĩ wa Jehova. Rĩrĩa ũreka ũguo, wĩtheme kũmaringithania nawe kana na andũ angĩ. (Gal. 6:4) Hũthagĩra ũhoti ũrĩa ũrĩ naguo gwĩkĩra arĩa angĩ hinya nĩguo ‘mendanage na mekage ciĩko njega,’ no ti gũtũma mekage ciĩko njega nĩ ũndũ wa kwĩigua ta marĩ na mahĩtia. (Rora ibuku rĩa Cukuru ya Ũtungata, kar. 158, kĩb. 4.) Twekĩra andũ hinya mendanage, nĩ marĩkaga ciĩko njega ta gũteithia arĩa angĩ maũndũ-inĩ ma kĩĩmwĩrĩ kana wĩra-inĩ wa kũhunjia.—2 Kor. 1:24.