Kwagagĩria Ũtungata Witũ—Kũhunjia Gĩcigo-inĩ kĩa Biacara

Ũndũ Ũcio nĩ wa Bata Nĩkĩ? Tondũ andũ aingĩ marutaga wĩra mathaa maingĩ-rĩ, kaingĩ njĩra ĩrĩa njega ya kũmakinyĩria ndũmĩrĩri ya Ũthamaki nĩ kũmahunjĩria marĩ harĩa marutagĩra wĩra. Kũhunjia gĩcigo-inĩ kĩa biacara no gũcanjamũre mũno na kũgĩe na moimĩrĩro mega, tondũ kũu gũtiagaga andũ na ningĩ aruti wĩra nĩ makenagio nĩ mũndũ o wothe ũroneka ahaana mũgũri. Nĩguo makorũo na moimĩrĩro mega, ahunjia magĩrĩirũo kũhũthĩra ũtaũku na makorũo mehumbĩte wega. (2 Kor. 6:⁠3) Kwoguo mũrori wa ũtungata nĩ agĩrĩirũo kũrora nĩ maita maigana icigo cia biacara ihunjagio na nĩ a mahunjagia kuo.

Ũrĩa Tũngĩka:

Haarĩria ũndũ ũrĩa ũkuuga na njĩra nguhĩ. Tũngĩhũthĩra ihinda iraihu kwaria nao marĩ wĩra-inĩ, twahota gũkaimwo mweke wa kwaria nao hĩndĩ ĩngĩ.
Maceerere rĩrĩa matarĩ na wĩra mũingĩ, hihi ta rũcinĩ maahingũra o ũguo.
Nĩ wega kwamba kwaria na ũrĩa ũrarũgamĩrĩra. Korũo na ũrata. No uge ũũ: “Tũraceerera andũ ndagĩka nini mawĩra-inĩ mao tondũ nĩ hinya kũmakora mĩciĩ.” Mũhunjĩrie na njĩra nguhĩ, na ũmũhe trakti, kana ngathĩti, kana ibuku rĩngĩ o rĩothe. Matakorũo nĩ o matũria ũrĩa wĩra witũ ũtwarithagio na mbere-rĩ, ti wega kũmeera ũhoro wĩgiĩ kũruta mĩhothi, nĩguo matikone ta tũrĩ ahũri biacara.
Ũrĩa ũrũgamĩrĩire angĩtuonia ũrata, mũhoe rũtha rwa kwaria na aruti wĩra acio angĩ na njĩra nguhĩ. Biacara-inĩ imwe, no ũkorũo ũrĩ ũndũ mwega kũũria kana no ũtige mabuku ma gũthoma harĩa andũ mahurũkagĩra kana wabici-inĩ ya kwamũkĩra ageni.
Hũthĩra ũtaũku. Kwa ngerekano, angĩkorũo mũruti wa wĩra nĩ araaria na mũgũri kana arĩ na wĩra ũngĩ, eterera nginya arĩkie nĩguo ũmwarĩrie.

Geria Gwĩka ũũ Mweri-inĩ Ũyũ:

Hĩndĩ ya hwaĩ-inĩ wa Ũthathaiya wa Famĩlĩ yanyu, wĩmenyerie na njĩra nguhĩ ũrĩa ũngiuga ũkĩhunjia gĩcigo kĩa biacara.