Haarĩria Nĩguo Ũrutane Wega

Jesu nĩ oririo kĩũria kĩgiĩ muoyo wa tene na tene maita ta merĩ ũguo, no aacokagia kũringana na mabataro ma ũrĩa wamũũria. (Luk. 10:25-28; 18:18-20) Kwoguo, o na gũtuĩka no tũkorũo tũkĩmenya wega ũhoro ũrĩa tũrathiĩ kũrutana, twagĩrĩirũo kwĩhaarĩria kabere tũgĩciragia mabataro ma mũrutwo. Nĩ maũndũ marĩkũ mangĩkorũo marĩ maritũ harĩ we kũnyita kana gwĩtĩkia? Nĩ maandĩko marĩkũ monanĩtio twagĩrĩirũo gũthoma nake? Tũgũthoma ũhoro ũigana atĩa? No tũbatare kũhaarĩria ngerekano kana ciũria cigana ũna cia gũteithia mũrutwo ataũkĩrũo. Makĩria ma ũguo, tondũ Jehova nĩwe ũtũmaga mbeũ ya ma ĩkũre ngoro-inĩ ya mũrutwo, twagĩrĩirũo kũmũhoya atũrathime hĩndĩ ĩrĩa tũrehaarĩria, arathime mũrutwo, o hamwe na kĩyo giitũ gĩa kũmũteithia akũre kĩĩroho.—1 Kor. 3:6; Jak. 1:5.