Kwagagĩria Ũtungata Witũ​—Gũteithia Arutwo a Bibilia Makinyĩre Kwĩyamũrĩra Ngai na Kũbatithio

ŨNDŨ ŨCIO NĨ WA BATA NĨKĨ?: Nĩguo arũtwo a Bibilia metĩkĩrĩke nĩ Jehova, no mũhaka mamwĩyamũrĩre na mabatithio. (1Pe 3:21) Kuuma hau, arĩa matũũraga kũringana na wĩyamũrĩri wao nĩ magitagĩrũo kĩĩroho. (Thab 91:1, 2) Mũkristiano eyamũragĩra Jehova, no ti mũndũ, wĩra, kana ithondeka rĩna. Kwoguo, arutwo magĩrĩirũo gũkũria wendo wao harĩ Ngai na monanie ngatho ciao harĩ we. —Ro 14:7, 8.

ŨRĨA TŨNGĨKA:

• Mũkĩĩruta, arĩrĩriai maũndũ marĩa ũhoro ũcio ũraguũria megiĩ Jehova. Tĩtĩrithia bata wa gũthoma Bibilia o mũthenya na kũhoya Jehova hatarĩ ‘gũtigithĩria.’—1The 5:17; Jak 4:8

• Ĩkĩra mũrutwo waku ngoro eigĩre mĩoroto ya kĩĩroho ya kwĩyamũrĩra Ngai na kũbatithio. Ningĩ, mũteithie gũkinyĩra mĩoroto ta, kũruta macokio mĩcemanio-inĩ, kana kũhunjĩria andũ a itũũra rĩao na arĩa marutaga wĩra nao. Ririkana atĩ Jehova ndatindĩkagĩrĩria mũndũ amũtungatĩre. Kwĩyamũrĩra Ngai nĩ itua rĩa mũndũ kĩũmbe.—Gũc 30:19, 20

• Mwĩkĩre ngoro eke mogarũrũku marĩa magĩrĩire nĩguo ahote gũkenia Jehova na agĩrĩre kũbatithio. (Thi 27:11) No ũbatare gũthiĩ na mbere gũteithia mũrutwo wa Bibilia kweheria ũmũndũ wa tene na kwĩhumba ũmũndũ mwerũ, tondũ no akorũo na ngumo imwe itarĩ njega kana mĩtugo mĩritũ gũtiga. (Ef 4:22-24) Muonie icunjĩ cia “Bibilia nĩ Ĩgarũraga Mĩtũũrĩre ya Andũ” iria ikoragwo ngathĩti-inĩ ya Mũrangĩri

• Mũtaarĩrie gĩkeno kĩrĩa ũgĩte nakĩo ũgĩtungatĩra Jehova.—Isa 48:17, 18