“Ikaragai Mwĩiguĩte”

25:1-12

O na gũtuĩka Jesu eerekagĩria ngerekano ya airĩtu arĩa ikũmi harĩ Akristiano aitĩrĩrie maguta, ũrutani wayo no ũhũthĩrũo nĩ Akristiano othe. (w15 3/15 12-16) “Nĩ ũndũ ũcio, ikaragai mwĩiguĩte, nĩ gũkorũo mũtiũĩ mũthenya kana thaa.” (Mat 25:13) No ũhote gũtaarĩria ngerekano ya Jesu?

• Mũhikania (mũhari wa 1)—Jesu

• Airĩtu ogĩ mehaarĩirie (mũhari wa 2)—Akristiano aitĩrĩrie maguta arĩa mehaarĩirie kũruta wĩra ũrĩa mahetwo marĩ ehokeku na mathiaga na mbere kũhenia ta ũtheri nginya rĩrĩa mũico ũgakinya (Afi 2:15)

• Kwanĩrĩrũo: “Mũhikania arĩ hakuhĩ gũkinya!” (mũhari wa 6)—Ũira wa atĩ Jesu arĩ kuo

• Airĩtu akĩgu (mũhari wa 8)—Akristiano aitĩrĩrie maguta arĩa mathiĩte gweterera Mũhikania no makaaga gũikara meiguĩte na makaaga gũtũũria wĩkindĩru

• Airĩtu arĩa ogĩ kũrega kũgayanĩra maguta (mũhari wa 9)—Thutha wa gwĩkĩrũo rũũri rwa mũthia, Akristiano aitĩrĩrie maguta arĩa ehokeku matikahota gũteithia Akristiano aitĩrĩrie maguta arĩa matagakorũo marĩ ehokeku

• “Mũhikania agĩkinya” (mũhari wa 10)—Hĩndĩ ĩrĩa Jesu agoka gũtua ciira, thĩna ũrĩa mũnene ũrĩ hakuhĩ gũthira

• Airĩtu arĩa ogĩ makĩingĩra hamwe na mũhikania iruga-inĩ rĩa ũhiki, na mũrango ũkĩhingwo (mũhari wa 10)—Jesu acokanĩrĩrie Akristiano aitĩrĩrie maguta arĩa ehokeku mathiĩ igũrũ no arĩa matarĩ ehokeku morũo nĩ mweke wao wa gũthiĩ igũrũ