Kwagagĩria Ũtungata Witũ​—Kwambĩrĩria Ndeereti Ũndũ Tũngĩhota Kũhunjia

Jesu aahotire kũhunjĩria mũtumia Mũsamaria tondũ nĩ aambire kũgĩa na ndeereti nake. Tũngĩagagĩria atĩa ũhoti witũ wa kwambĩrĩria ndeereti na andũ tũtoĩ?

• Korũo na ũrata na warĩrie andũ. O na gũtuĩka Jesu aarĩ mũnogu, nĩ aambĩrĩirie ndeereti na njĩra ya kũhoya maĩ ma kũnyua. Kwoguo no wambĩrĩrie na kũgeithania na hihi ũcoke ũgwete kaũndũ kegiĩ ũrĩa rĩera rĩhaana kana ũndũ ũrekĩkire ica ikuhĩ. Ririkana atĩ muoroto waku nĩ kwambĩrĩria ndeereti, kwoguo arĩrĩria ũndũ o wothe ũngĩgucĩrĩria mũndũ ũcio. O na angĩaga kũnyita ndeereti yaku mbaru, gũtirĩ ũndũ ũgũkorũo ũũrĩtwo nĩguo. Geria rĩngĩ na mũndũ ũngĩ. Hoya Jehova akũhe ũmĩrĩru.—Ne 2:4; Atũ 4:29.

• Korũo wĩhaarĩirie kũhunjia mweke ũngiumĩra, no ndũgakorũo na ihenya. Reke mweke wĩyumĩrie mũrĩ ndeereti-inĩ. Ũngĩtindĩkĩrĩria maũndũ, mũndũ ũcio ahota kũigua ataiganĩire na atige kwaria. Ndũgakue ngoro o na ndeereti ĩyo ĩngĩthira ũtahunjĩtie. Angĩkorũo nĩ wĩtigĩraga kũhunjia ũtarĩ ũtungata-inĩ, wĩmenyerie kwambĩrĩria ndeereti na andũ ũtarĩ na muoroto wa kũhunjia. [Thaakai na mwarĩrĩrie video ya 1.]

• No ũcarie mweke wa kũhunjia na njĩra ya kũgweta kaũndũ kuuma ngoro kegiĩ wĩtĩkio waku karĩa kangĩtũma mũndũ ũcio orie ciũria. Jesu aagwetire maũndũ maatũmire mũtumia ũcio orie ciũria. Na kwoguo rĩrĩa Jesu aambĩrĩirie kũmũhunjĩria, nĩ kũmũcokeria aamũcokagĩria ciũria. [Thaakai na mwarĩrĩrie video ya 2, na mũcoke mũthaake na mwarĩrĩrie video ya 3.]