Ũkwĩhaarĩria Atĩa nĩ Ũndũ wa Kĩririkano?

Kwambĩrĩria mwaka ũyũ, nĩ tũrĩkoragwo na mahinda maingaingĩ ma kwĩhaarĩria nĩ ũndũ wa Kĩririkano gĩa gĩkuũ gĩa Kristo. Rĩrĩa Kĩririkano gĩakorũo gatagatĩ-inĩ ga kiumia, gũtirĩkoragwo na Mũcemanio wa Ũtũũro na Ũtungata kiumia-inĩ kĩu. Rĩrĩa Kĩririkano gĩakorũo mũthia-inĩ wa kiumia, gũtirĩkoragwo na mũcemanio wa mĩario ya andũ othe na wĩruti wa Mũrangĩri. Hihi nĩ ũrĩhũthagĩra wega mahinda macio tuongereirũo? O ta karine-inĩ ya mbere, nĩ kũbataranagia mĩbango nĩ ũndũ wa igongona rĩu rĩa mwanya. (Lu 22:7-13; km 3/15 1) No ithuothe nĩ tũrabatara kũhaarĩria ngoro citũ. Tũngĩka ũguo atĩa?

• Wĩcũranie igũrũ rĩgiĩ bata wa gũthiĩ Kĩririkano.—1Ko 11:23-26

• Wĩthuthurie na njĩra ya mahoya igũrũ rĩgiĩ ũrata waku hamwe na Jehova.—1Ko 11:27-29; 2Ko 13:5

• Thoma mabuku na Maandĩko marĩa maraarĩrĩria bata wa Kĩririkano na wĩcũranie kĩrĩa wathoma.—Joh 3:16; 15:13

Ahunjia amwe mathomaga na magecũrania Ũthomi wa Bibilia wa Kĩririkano ũrĩa ũkoragwo kabuku-inĩ ga Gũthuthuria Maandĩko O Mũthenya. Angĩ mathomaga mĩhari ya Bibilia ĩrĩa yonanĩtio mũcoro-inĩ ũyũ ũrĩ haha mũhuro. Nao angĩ mathomaga Mũrangĩri ũrĩa ũrĩ na icunjĩ iraarĩrĩria ũhoro wĩgiĩ Kĩririkano na wendo ũrĩa Jehova na Jesu matuonetie. Reke njĩra o yothe ũngĩhũthĩra ya wĩruti ĩgũteithie gũkuhĩrĩria Jehova na Mũrũwe.